Prislovja 16:8 - Le Devleskero Lav Andre Romaňi Čhib Slovensko 2021

⁸ Feder hin, te tut hin sikra, so tuke zarodňal pačivalones, sar but, so dochudňal napačivalones.

Prislovja 16:8 ပူးပေါင်းရင်းမြစ်များ

Žalmi 37:16

Oda frima, so hin le spravodľivones, hin feder sar o barvaľipen le but nalačhe manušengro.

Prislovja 15:16

Feder te sal čoreder a hin tut e sveto dar anglo RAJ, sar te el tut but barvaľipen a leha o pharipen.

Prislovja 15:17

Feder hin o zeleňinakro chaben andro kamiben, sar o nekfeder mas ode, kaj nane kamiben.

Prislovja 16:7

Te le RAJESKE hin pre dzeka le manušeskro dživipen, kerela, hoj leskre ňeprijaťeľa leha te aven andro smirom.

Prislovja 16:9

O manuš peske andro jilo gondoľinel avri o drom, ale o Del ľidžal leskre kroki.

Prislovja 17:1

Te chal sikra šuko maro andro smirom hin feder, sar te el andro kher pre bari oslava, kaj pes vesekedinel.

Prislovja 28:6

Feder hin o čoro, savo phirel žuže dromeha, sar o barvalo, saveskre droma hine previsarde.

Kazaťeľis 4:6

Feder hin jekh burňik smirom sar duj vasta pherde le trapišagoha the le denašibnaha pal e balvaj.

Jeremijaš 17:11

Oda, ko peske načačipnaha skidel o barvaľipen, hino sar e jarabica, savi bešel pro cudza jandre. Andre peskre nekfeder berša pes lestar mušinela te zdel a pro koňec pes sikavela, hoj sas dilino.“

Micheaš 6:10

Andro khera le nalačhe manušengre hin o barvaľipen skidlo napačivalones the e prekošľi falošno vaha!