Prislovja 16:5 - Le Devleskero Lav Andre Romaňi Čhib Slovensko 2021

⁵ Le RAJESKE džungľol sako, ko hino barikano andro jilo; šaj tuke aves isto, hoj ela mardo.

Prislovja 16:5 ပူးပေါင်းရင်းမြစ်များ

O Job 40:12

Dikh pre savore barikane a pokorin len, rozpučin le nalačhen ode, kaj hine!

2. Mojžišoskro 20:7

Na pheneha andral o muj ča avke o nav le RAJESKRO, tire Devleskro, bo o RAJ marela sakones, ko lela o nav le Devleskro zbitočňe andro muj!

Prislovja 11:21

Oda hin čačes avke, hoj o RAJ marela le nalačhe manušen, ale o čhave le spravodľive manušengre ena zachraňimen.

Prislovja 16:4

Le RAJES hin planos savoreha, so kerel, a kerďa the le bijedevleskres pre oda džives, sar ela potrestimen.

Prislovja 16:6

O kamiben the e vernosť odmukel o binos; te amen hin e sveto dar anglo RAJ, džaha het le nalačhipnastar.

Prislovja 6:29

Avke ela oleha, ko džal te pašľol avra dženeskra romňaha, sako, ko pes latar chudela, na ela bi o trestos.

Prislovja 8:13

Te vareko daral le Devlestar, našťi avri ačhel o nalačho. Me, o goďaveripen, našťi avri ačhav o baripen, aňi te pes vareko ľidžal upre, aňi o nalačhipen, aňi o vušta, so klaminen.

Izajaš 2:11

O barikane jakha ena pokorimen, o baripen le manušengro ela teledikhlo; ča o RAJ ela barardo andre oda džives.

Izajaš 2:12

Oda džives le Nekzoraledere RAJESKRO ela pre savore pišna the barikane a the pre ola, ko pes ľidžan upre, bo akor ena poňižimen.

Izajaš 3:11

Ale vigos le nalačhenge! Na ela lenge mištes! O nalačhipen, so kerenas avrenge, pes kerela the lenge.

Jeremijaš 13:15

„Šunen, prithoven o kan, ma lašaren tumen, bo o RAJ prevakerďa.

Jakob 4:6

Se o Del del bareder milosť. Vašoda phenel le Devleskro Lav: „O Del džal pro barikane, ale le pokornen del peskri milosť.“