Prislovja 16:1 - Le Devleskero Lav Andre Romaňi Čhib Slovensko 2021

¹ O manuš peske andro jilo plaňinel, so kerela, ale o Del phenela, so pes ačhela.

Prislovja 16:1 ပူးပေါင်းရင်းမြစ်များ

2. Samueloskro 7:5

„Dža a phen mire služobňikoske le Davidoske: ‚Kada phenel o RAJ: Tu mange kames te ačhavel kher, hoj te bešav andre?

2. Kronicko 18:31

Sar o veľiťeľa dikhle le Jošafat, gondoľinde peske, hoj oda hino o izraeliko kraľis a gele pre leste. Akor o Jošafat zvičinďa a o Del leske pomožinďa a visarďa len lestar.

Ezdraš 7:27

Mi el barardo o RAJ, o Del amare dadengro, savo thoďa pro jilo le kraľiske, hoj kavke te del pačiv le RAJESKRE Chramos andro Jeruzalem.

Nehemiaš 1:11

Mangav tut, ó, RAJEJA, šun avri miri modľitba the e modľitba savore tire služobňikengri, so tut den pačiv le jilestar. De, hoj o kraľis te avel ke ma adadžives jileskro a te avel mange avri oda, so kamav.“ Andre oda časos somas hlavno čašňikos le kraľiskro, so leske podelas e mol.

O Job 17:11

Mire dživesa pregele, mire plani rozpele, a mek the oda, so kamavas andro jilo.

Žalmi 10:17

RAJEJA, tu šunes avri oda, so kamen o pokorna, zoraľares lengro jilo a visares tiro kan ke lende.

Žalmi 119:36

Visar miro jilo ke tire sikavibena, hoj mange te na džal pal o nalačho barvaľipen.

2. Mojžišoskro 4:15

Vakereha leha a pheneha leske so te vakerel. Me tumenge sodujdženenge pomožinava andro vakeriben a sikavava tumenge, so te keren.

Prislovja 15:33

E sveto dar le RAJESKRI tut bararel avri andro goďaveripen, te aveha pokorno, o manuša tut dena pačiv.

Prislovja 16:9

O manuš peske andro jilo gondoľinel avri o drom, ale o Del ľidžal leskre kroki.

Prislovja 19:21

But veci plaňinel o manuš andro jilo, ale e voľa le RAJESKRI pes ačhela.

Prislovja 20:24

Le manušeskre kroki ľidžal o RAJ, akor, sar šaj o manuš achaľol peskre dromeske?

Prislovja 21:1

Le kraľiskro jilo andro vast le RAJESKE hin sar o prudos le paňeskro, visarel les, kaj ča kamel.

Jeremijaš 10:23

„Me džanav, RAJEJA, hoj o dživipen le manušengro nane andre lengre vasta, hoj nane andre lengri zor te ľidžal peskre kroki.

2. Korinťanenge 8:16

Paľikeras le Devleske, hoj thoďa le Titoske andro jilo kajso starišagos pal tumende.

Filipanenge 2:13

Bo o Del hino oda, ko andre tumende kerel, hoj na ča te kamen, ale the te keren oda, so hin leske pre dzeka.