Prislovja 15:7 - Le Devleskero Lav Andre Romaňi Čhib Slovensko 2021

⁷ O vušta le goďaverengre rozľidžan o prindžaripen, ale andro jile le dilinengre nane avke.

Prislovja 15:7 ပူးပေါင်းရင်းမြစ်များ

Žalmi 119:13

Mire vuštenca vakerav avri savore prikazi, so tu phenďal.

Žalmi 37:30

O muj le čače manušeskro vakerel o goďaveripen, leskri čhib vakerel o čačipen.

Žalmi 45:2

Miro jilo hino pherdo le šukar lavenca, vašoda sthovav giľi mire kraľiske; miri čhib hiňi sar o pirkos le lačhe pisariskro.

Prislovja 15:2

O vakeriben le goďaverengro pricirdel le manušen te šunel o prindžaripen, ale le dilinengre vuštendar demel avri o diliňipen.

Prislovja 15:6

Andro kher le spravodľive manušeskro hin pherdo barvaľipen, no o love le nalačheske anen o pharipen.

Prislovja 15:8

Le RAJESKE džungľon o obeti le nalačhe manušendar, ale pre dzeka leske hin e modľitba le čače manušengri.

Prislovja 16:23

Ola, ko hine goďaver, gondoľinen mištes, medik vareso phenen, vašoda šaj prevakeren avren pro lačho.

Prislovja 5:2

Avke tut džaneha mištes te ľikerel a le lavenca sikaveha, hoj tut hin o prindžaripen.

Kazaťeľis 10:2

Le goďaveres hin o jilo pro čačo than, ale le dilines pro nalačho.

Nekšukareder giľi 4:11

Pal tire vušta čuľal o gulo medos, miri terňije, tel e čhib tut hin o medos the o thud a tire gada voňinen avke, sar voňinel o Libanon.

Matuš 10:27

Oda, so tumenge vakerav počoral, phenen avri phundradones a oda, so šunen ča andro kan, viskinen avri pal o padi!

Matuš 12:34

Tumen sapale, sar šaj vakeren lačhe veci, te tumen san nalačhe? Bo soha hin pherardo o jilo, oda o muj vakerel.

Marek 16:15

Phenďa lenge: „Džan pal calo svetos a vakeren o evaňjelium savorenge, kas o Del stvorinďa!

Efežanenge 4:29

Ňisavo džungalo lav te na avel avri andral tumaro muj, ale ča lačho lav, so zoraľarel avren avke, sar kampel a anel e milosť olenge, ko šunen.

2. Timoteoske 2:2

Oda, so šunďal mandar anglo but švedki, de avre pačivale manušenge, save džanena te sikavel the avren.

Jakob 3:6

E čhib hiňi jag, o svetos le nalačhipnaskro maškar amare ťeloskre kotora. Meľarel andre calo amaro ťelos. Rozlabarel calo manušeskro dživipen a korkori hiňi podlabarďi le peklostar.