Prislovja 15:2 - Le Devleskero Lav Andre Romaňi Čhib Slovensko 2021

² O vakeriben le goďaverengro pricirdel le manušen te šunel o prindžaripen, ale le dilinengre vuštendar demel avri o diliňipen.

Prislovja 15:2 ပူးပေါင်းရင်းမြစ်များ

Žalmi 45:1

Oleske, ko ľidžal o bašaviben. Pro giľavipen: „O ľaľije“. O maskil le Korachengro. E kamibnaskri giľi.

Žalmi 59:7

Sako rat aven pale a havkinen sar rikone, sar phiren upre tele pal o foros.

Prislovja 12:23

O goďaver na vakerel sig, so džanel, ale o jilo le dilineskro čhivkerel avri o diliňipen.

Prislovja 13:16

Dojekh goďaver manuš gondoľinel, medik vareso kerel, no o dilino rozľidžal o diliňipen.

Prislovja 15:23

Le manušes hin radišagos, sar odphenel le lačhe laveha; savo šukar hin o lav phendo ipen akor, sar kampel!

Prislovja 15:28

O jilo le čačipnaskereskro gondoľinel, so te phenel, no andral o vušta le nalačhe manušengre demel avri o nalačhipen.

Prislovja 15:7

O vušta le goďaverengre rozľidžan o prindžaripen, ale andro jile le dilinengre nane avke.

Prislovja 16:23

Ola, ko hine goďaver, gondoľinen mištes, medik vareso phenen, vašoda šaj prevakeren avren pro lačho.

Prislovja 5:2

Avke tut džaneha mištes te ľikerel a le lavenca sikaveha, hoj tut hin o prindžaripen.

Kazaťeľis 10:14

o nagoďaver vakerel buter a buter. Ňiko na džanel, so pes ačhela. Ko šaj phenel varekaske, so pes ačhela pal leste?

Kazaťeľis 5:3

Te des le Devles lav, doľiker les so neksigeder, bo le Devleske nane pre dzeka o diline. Te diňal lav, doľiker les!

Izajaš 50:4

O RAJ, o Adonaj, man diňa e čhib le učeňikengri, hoj te džanav te vakerel a te del zor le lavenca le strapimen manušes. Uštavel man upre sako tosara, uštavel mange o kan, hoj te šunav sar o učeňika.