Prislovja 14:1 - Le Devleskero Lav Andre Romaňi Čhib Slovensko 2021

¹ E goďaver džuvľi budinel peskro kher, ale e diliňi les korkori čhivel tele peskre vastenca.

Prislovja 14:1 ပူးပေါင်းရင်းမြစ်များ

Prislovja 21:9

Feder hin te bešel pro pados andro kutos sar andre jekh kher la čhibaľa romňaha.

Prislovja 21:19

Feder hin te bešel pre pušťa sar la čhibaľa romňaha, savi furt dudrinel.

E Rut 4:11

Androda o vodci the savore manuša andral o foros phende: „Amen sam o švedki. Mi del o RAJ, hoj odi romňi, savi džala andre tiro kher, te el ajsi sar e Rachel the e Leja, save dine le Izrael but čhaven! Te aves baro andre tiro kmeňos Efrat! Mi džanel sako pal tiro nav andro Betlehem!

Prislovja 19:13

O nagoďaver čhavo anel o pharipen le dadeske. E romňi, savi furt dudrinel, hiňi sar o paňi, so na preačhel te kvapkinel.

1. Kraľengro 16:31

Na sas leske dos, hoj kerelas o bini avke sar the o Jeroboam, ale paš oda peske mek iľa la Jezabel romňake. Oj sas e čhaj le Etbaaloskri, savo sas kraľis andro Sidon. Vašoda o Achab chudňa te služinel le Baaloske a te lašarel les.

2. Kraľengro 11:1

Sar e Atalija, le Achazijoskri daj, dikhľa, hoj lakro čhavo hino murdardo, geľa a diňa te murdarel savore le kraľiskre čhaven.