Prislovja 13:9 - Le Devleskero Lav Andre Romaňi Čhib Slovensko 2021

⁹ O čačipnaskro hino sar o švetlos, so švicinel zorales, ale o nalačho hino sar e lampa, so murdaľol andre.

Prislovja 13:9 ပူးပေါင်းရင်းမြစ်များ

1. Kraľengro 11:36

Le Šalamunoskre čhaske mukava ča jekh kmeňos, hoj te el mire služobňikos le David furt potomkos, savo vladňinela angle mande andro Jeruzalem, andro foros, so mange kidňom avri, hoj ode te avav lašardo.

O Job 21:17

Murdaľiľa varekana andre o švetlos le nalačhengro? Avľa pre lende varekana e bibach? Dukhaďa len varekana o Del peskra choľaha?

O Job 29:3

sar upral miro šero švicinelas leskri momeľi a delas man o švetlos, sar predžavas le kaľipnaha.

Žalmi 112:4

O švetlos andro kaľipen švicinela le čače manušeske, oleske, ko hino lačho, jileskro the spravodľivo.

Žalmi 97:11

E žatva le švetloskri avel avri prekal o spravodľivo a o radišagos oleske, ko hino čačo andro jilo.

Prislovja 13:10

O baripen anel ča o mariben, no ola, ko peske den te phenel, hine goďaver.

Prislovja 13:8

O barvalo peske šaj počinel, hoj les te na murdaren, no o čoro pes na mušinel oleha te trapinel.

Prislovja 20:20

Ko prekošel le dades abo la da, oda doperela avke sar e momeľi, so rači murďalol andre.

Prislovja 24:20

Se le nalačhe manušes na užarel ňič lačho, a e lampa olengri, ko dživen bi o Del, murdaľola andre.

Prislovja 4:18

O chodňikos le čačipnaskerengro hino sar o tosaraskro kham, so švicinel zoraleder the zoraleder medik nane o džives.

Ezechiel 32:7

Sar tut murdarava andre sar e momeľi, zaučharava o ňebos a kaľarava leskre čercheňen, akor zaučharava o kham la chmaraha a o čhonoro imar na dela peskro švetlos.

4. Mojžišoskro 27:4

Mušinel te našľol le dadeskro nav andral leskro kmeňos ča vašoda, bo les na sas murša? De amen phuv maškar amare dadeskre phrala.“

Matuš 22:13

Akor phenďa o kraľis le sluhenge: ‚Phanden leske o pindre the o vasta a čhiven les avri andro kaľipen!‘ Ode ela o roviben a randena le dandenca andre dukh.

Matuš 25:8

A o nagoďaver phende le goďaverenge: ‚Den amen tumare olejostar, bo amare lampi murdaľon andre.‘