Prislovja 13:8 - Le Devleskero Lav Andre Romaňi Čhib Slovensko 2021

⁸ O barvalo peske šaj počinel, hoj les te na murdaren, no o čoro pes na mušinel oleha te trapinel.

Prislovja 13:8 ပူးပေါင်းရင်းမြစ်များ

2. Kraľengro 24:14

Andral o Jeruzalem zaiľa a ľigenďa andre peskri phuv 10 000 manušen: savore uradňiken, vodcen, maribnaskre muršen, kovačen the ťesaren. Ačhile ode ča o nekčoreder manuša.

2. Kraľengro 25:12

Ale okle nekčoreder manušen mukľa o Nebuzaradan andre odi phuv, hoj te keren buči pre maľa the pre viňica.

O Job 2:4

O satan odphenďa: „E cipa vaš e cipa! O manuš dela savoro, so les hin, hoj peske te zachraňinel o dživipen.

2. Mojžišoskro 21:30

Ale oda dženo šaj cinel avri peskro dživipen avke, hoj počinela ajci, keci pes lestar mangela.

Prislovja 13:7

Vareko pestar kerel barvalo a nane les ňič; aver dženo pestar kerel čoro, ale hin les pherdo barvaľipen.

Prislovja 13:9

O čačipnaskro hino sar o švetlos, so švicinel zorales, ale o nalačho hino sar e lampa, so murdaľol andre.

Prislovja 14:24

E koruna le goďaverengri hin lengro barvaľipen, ale le dilinen hin pro šero diliňipen.

Prislovja 6:35

Ov na priačhela pre ňisave love; na dela pes te prepočinel aňi but lovenca.

Jeremijaš 39:10

Ole nekčoreder manušen, saven na sas calkom ňič, mukľa o Nebuzaradan andre Judsko a diňa lenge o viňici the maľi.

Jeremijaš 41:8

Ale deš ole muršendar phende le Jišmaeloske: „Ma murdar amen, bo hin amen e pšeňica, o jačmeňis, o olejos the o medos garude pro maľi.“ Avke len mukľa a na murdarďa len jekhetane oklenca.

Sofonijaš 3:12

Ale mukava andre tu le manušen, so hine čore a slaba, a on pes mukena pro nav le RAJESKRO.

Matuš 16:26

Bo so hin le manušes olestar, hoj calo svetos ela leskro a o dživipen našavela? Soha šaj o manuš počinel vaš peskro dživipen?

Лукастар 12:23

Bo o dživipen hin buter sar o chaben a o ťelos hin buter sar o uraviben.