Prislovja 13:11 - Le Devleskero Lav Andre Romaňi Čhib Slovensko 2021

¹¹ O barvaľipen skidlo napačivalones cikňola, ale oleske, ko peske skidel po sikra, barola.

Prislovja 13:11 ပူးပေါင်းရင်းမြစ်များ

O Job 20:15

O barvaľipen, so chaľa, čhandela avri; o Del leske les čhivela avri andral o per.

Žalmi 128:2

Dživeha la bučatar, so keres tire vastenca; aveha požehňimen a savoro tuke džala mištes.

Prislovja 10:2

O barvaľipen, so dochudes nalačhipnaha, tuke na ela pre chasna, no o spravodľišagos tut lel avri andral o meriben.

Prislovja 13:10

O baripen anel ča o mariben, no ola, ko peske den te phenel, hine goďaver.

Prislovja 13:12

Te pes na ačhel oda, pre soste pes o manuš zmukel, leskro jilo nasvaľol, ale te chudel, so igen mangelas, hin leske oda sar o stromos le dživipnaskro.

Prislovja 20:21

O barvaľipen, so dochudes igen sig, tuke pro koňec na anela o požehnaňje.

Prislovja 21:6

O barvaľipen dochudlo klamišagoha našľola sig sar o thuv andre balvaj a hino e meribnaskri pasca.

Prislovja 28:20

O pačivalo manuš ela igen požehňimen, no o trestos na obdžala oles, ko kamel sig te barvaľol.

Prislovja 28:22

O hamišno manuš denašel pal o barvaľipen, aňi na džanel, hoj pre leste avela o čoripen.

Prislovja 28:8

Ko barvaľol pro bare interesa, skidel oda oleske, kaske hin pharo vaš o čore.

Kazaťeľis 5:14

Avke, sar avľa lango pre kada svetos, avke lango the džala, a na lela peha ňič andro vasta peskra phara bučatar.

Jeremijaš 17:11

Oda, ko peske načačipnaha skidel o barvaľipen, hino sar e jarabica, savi bešel pro cudza jandre. Andre peskre nekfeder berša pes lestar mušinela te zdel a pro koňec pes sikavela, hoj sas dilino.“