Prislovja 11:6 - Le Devleskero Lav Andre Romaňi Čhib Slovensko 2021

⁶ O spravodľišagos zachraňinel le pačivalen, ale le napačivalen zachudel e pasca lengre nalačhe žadoscengri.

Prislovja 11:6 ပူးပေါင်းရင်းမြစ်များ

1. Mojžišoskro 30:33

Pal kada džaneha, či som čačipnaskro, abo na: Sar aveha te dikhel pre miro počiňiben a dikheha, hoj maškar o stadi hin kozi, pre save nane fleki abo bodki, abo bakrore, save nane kale, akor šaj phenes, hoj len čorďom tutar.“

1. Mojžišoskro 31:37

Te chudňal imar te prerodel mire veci, arakhľal vareso, so hin tiro? Thov oda kade anglal mire the tire phrala a on mi phenen, kaskro hin o čačipen!

1. Kraľengro 2:44

Pridžan tuke savoro nalačhipen, so kerďal mire dadeske le Davidoske. Akana o RAJ tuke visarela pale oda savoro!

Žalmi 9:15

hoj te šaj vakerav pal savore veci, vaš save tut lašarav, andro brani le Sionoskra čhakre, a te šaj radisaľuvav, hoj man zachraňinďal.

Prislovja 11:9

O bijedevleskro šaj zňičinel avres peskre lavenca, ale o čačipnaskre ena zachraňimen peskre achaľuvipnaha.

Prislovja 5:22

Le bijedevleskres dochudena leskre nalačhipena; ela phandlo andro puta peskre binengre.

Kazaťeľis 10:8

Ko kopaľinel e chev, šaj perel andre; a oles, ko čhivel tele o muros, šaj danderel o sap.

Sudcengro 20:41

Avke pes o Izraeliti chudle pale te marel. O Benjaminčana predaranďile, bo dikhle, hoj pašes hin lengri skaza.