Prislovja 11:11 - Le Devleskero Lav Andre Romaňi Čhib Slovensko 2021

¹¹ Sar o čačipnaskre žehňinen le foroske, o foros barol, ale o vakeriben le nalačhengro o foros musarel.

Prislovja 11:11 ပူးပေါင်းရင်းမြစ်များ

1. Mojžišoskro 45:8

Tumen man kade na bičhaďan, ale o Del. Ov man ačhaďa sar nekbaredere faraonoskre uradňikos sar ešebne rajes upral calo leskro kher the upral calo Egipt.

2. Samueloskro 20:1

Akor sas ode the jekh nalačho murš o Šebas, le Bichriskro čhavo, savo sas Benjaminčanos. Ov zatrubinďa pro rohos a phenďa: „Amen nane ňič jekhetane le Davidoha, aňi ňisavo ďeďictvos le Izajoskre čhaha! Izraelitale, džan sako andre peskro stanos!“

O Job 22:30

Ov cirdela avri the oles, ko nane bi e vina, a ela zachraňimen vašoda, hoj tire vasta hine žuže.“

Prislovja 11:10

Sar hin bach le čačipnaskren, o foros radisaľol, a sar merel o nalačho manuš, radišagostar khelel.

Prislovja 11:12

O nagoďaver le vakeribnaha tele dikhel avren, ale o goďaver manuš hino čhit.

Prislovja 14:34

O spravodľišagos hazdel upre o narodos, ale o binos hin pre ladž le narodenge.

Prislovja 28:2

Te hin e vzbura andre varesavi phuv, čerinen pes furt o vodci, ale ča o goďaver murš, ko achaľol, šaj doľikerel o poradkos.

Prislovja 29:8

Ola, ko asan savore lačhipnastar, keren o nasmirom andro foros, ale o goďaver anen pale o smirom.

Kazaťeľis 9:15

A andre oda foros sas jekh čoro goďaver murš, so peskra goďaha zachraňinďa o foros. Ale ňiko peske pre oda čoro manuš aňi na leperďa.

Jakob 3:6

E čhib hiňi jag, o svetos le nalačhipnaskro maškar amare ťeloskre kotora. Meľarel andre calo amaro ťelos. Rozlabarel calo manušeskro dživipen a korkori hiňi podlabarďi le peklostar.