Prislovja 10:9 - Le Devleskero Lav Andre Romaňi Čhib Slovensko 2021

⁹ O pačivalo manuš phirel bi e dar, ale pre oda, ko phirel napačivalones, pes avela avri.

Prislovja 10:9 ပူးပေါင်းရင်းမြစ်များ

1. Mojžišoskro 17:1

Sar sas le Abramoske eňavardeš the eňa (99) berš, sikaďa pes leske o RAJ a phenďa leske: „Me som o Nekzoraleder Del, šun man a dživ angle ma žužo dživipen!

O Job 8:20

He čačo, o Del na odčhivela le spravodľive manušes, no le nalačhe manušeske na podela o vast.

Žalmi 23:4

Kajte geľomas la dolinaha prekal o baro kaľipen, na darava man le nalačhipnastar, bo tu sal manca; tiro prutos the tiri paca man ochraňinen.

Žalmi 25:21

Mi ochraňinen man o žužipen the o čačipen, bo me man mukav pre tute.

Žalmi 84:11

Feder hin jekh džives andre tiro kher, sar ezeros avrether! Radeder ačhava pro prahos andro kher mire Devleskro, sar hoj te bešav andro stani le nalačhe manušengre.

Prislovja 17:20

Oles, kas hin previsardo jilo, na ela bach, a kas hin e falošno čhib, doperela andre bibach.

Prislovja 26:26

šaj garuvel, hoj tut našťi avri ačhel, le klamišagoha, ale leskro nalačhipen avela avri anglo manuša, sar ena zgele.

Prislovja 28:1

O nalačho manuš denašel, kajte ňiko pre leste na džal, ale o čačipnaskro hino šmelo sar o terno ľevos.

Prislovja 28:18

Ko phirel žuže dromeha, ela zachraňimen, no oda, ko phirel pal o previsarde droma, jekhvareste perela.

Prislovja 3:23

avke phireha andro smirom a o pindro tuke na poddžala.

Matuš 10:26

„Vašoda ma daran tumen lendar! Bo ňič nane avke garudo, so na ela jekhvar otkerdo a nane počoral ňič, so pes jekhvar na dodžanela.

1. Korinťanenge 4:5

Vašoda ma sudzinen ňič anglal, medik na avela o Raj a anela pro švetlos oda, so hin garudo andro kaľipen, a sikavela, so peske gondoľinenas o manuša andro jile. Paľis chudela sako le Devlestar peskro lašariben.

1. Timoteoske 5:25

Avke the o lačhe skutki igen dičhol a te len mek na dičhol, našťi ačhena garude.