Prislovja 10:7 - Le Devleskero Lav Andre Romaňi Čhib Slovensko 2021

⁷ O lačhe manuša ena leperde pro požehnaňje, ale o nav le bijedevleskro kirňola.

Prislovja 10:7 ပူးပေါင်းရင်းမြစ်များ

1. Kraľengro 11:36

Le Šalamunoskre čhaske mukava ča jekh kmeňos, hoj te el mire služobňikos le David furt potomkos, savo vladňinela angle mande andro Jeruzalem, andro foros, so mange kidňom avri, hoj ode te avav lašardo.

2. Kraľengro 19:34

‚Me braňinava kada foros a zachraňinava les vaš ma the vaš o David, miro služobňikos.‘ “

2. Kronicko 24:16

Parunde les andro Foros le Davidoskro paš o kraľa, bo kerďa but lačhipen prekal o Izrael, prekal o Del the prekal leskro Chramos.

2. Kronicko 32:33

Sar muľa o Chizkija, parunde les pro upruno than andre le kraľengre hrobi a savore manuša andral e Judsko the andral o Jeruzalem les denas bari pačiv. Pal leste ačhiľa kraľiske leskro čhavo o Menaše.

O Job 18:17

Pre phuv pes pre leste bisterela a ňiko peske pre leskro nav na leperela.

O Job 24:20

Lengre daja pre lende bisterena, o kirme pre lende mulatinena; a imar ňiko peske pre lende na leperela. O nalačhe kirňona sar o stromos, so peľa tele!

O Job 27:23

Odi balvaj tapčinela peskre vastenca, hoj lestar te asal; kerela leske ladž, sar denašela pal peskro than.“

Žalmi 109:13

Leskro potomstvos mi merel avri, lengre nava mi en avrikhosle imar andre dujto pokoleňje.

Žalmi 109:15

Lengre bini mi en furt anglo jakha le RAJESKRE, mi mažinel avri lengro leperiben pal e phuv.

Žalmi 112:6

O spravodľivo manuš pes šoha na čhalavela; furt les leperena.

Žalmi 34:16

Le RAJESKRE jakha dikhen pro spravodľiva manuša, leskre kana šunen lengro roviben.

Žalmi 34:17

Ale le RAJESKRO muj džal pre ola, ko keren o nalačhipen, hoj te khosel tele lengro nav pal e phuv.

Žalmi 41:5

Phenďom: „RAJEJA, av ke ma jileskro! Sasťar man avri, bo kerďom binos anglal tu.“

Prislovja 22:1

O lačho nav hin buter sar o baro barvaľipen, e pačiv hin feder sar o rup the o somnakaj.

Kazaťeľis 8:10

Mek dikhľom le nalačhe manušen parunde a le dromeha pal o cintiris len o manuša lašarenas takoj andre oda foros, kaj kerde o nalačhipen. Aňi kada našťi te achaľol.

Izajaš 14:22

„Uščava pre lende,“ phenel o Nekzoraleder RAJ. „Zňičinava o babiloňiko nav the leskre manušen, save predžiďile, lengre čhaven the potomken,“ phenel o RAJ.

Jeremijaš 17:13

RAJEJA, tu sal e Naďej le Izraeloskri. Savore, ko tut omuken, pes ladžana. Ola, ko tutar džan het, ena pisimen andro prachos la phuvakro, bo omukle le RAJES, o prameňis le džide paňeskro.

Marek 14:9

Čačipen tumenge phenav, hoj všadzik, kaj ča pes o evaňjelium vakerela pal calo svetos, pes vakerela the pal kada, so kadi džuvľi akana kerďa, pre lakro leperiben.“

Лукастар 1:48

bo dikhľa pre peskri pokorno služobňička. Akanastar man savore pokoleňja vičinena bachtaľi,