Prislovja 10:6 - Le Devleskero Lav Andre Romaňi Čhib Slovensko 2021

⁶ Pro čačipnaskro manuš bešela baro požehnaňje, ale o mariben hin garudo pal o lava le nalačhe manušengre.

Prislovja 10:6 ပူးပေါင်းရင်းမြစ်များ

Ester 7:8

Sar o kraľis avelas pale andral e zahrada le palaciskri pre oda than, kaj sas e hoscina, akor ipen o Haman peľa paš lakre pindre pre odi valenda, kaj e kraľovna Ester pašľolas, a mangelas la vaš peskro dživipen. Sar o kraľis dikhľa, so kerďa, phenďa leske: „Tu mek kames paš mande andre miro kher te pašľol la kraľovnaha?“ Sar phenďa o kraľis kada lav, o sluhi takoj garude le Hamanoske o muj.

O Job 29:13

Oda, ko merelas, mange žehňinelas a la vdovake keravas o radišagos andro jilo.

Žalmi 107:42

Dikhena oda o spravodľiva a radisaľona, ale savore nalačhe phandena andre peskre muja.

Prislovja 10:11

O vušta le čačipnaskre manušeskre hine o prameňis le dživipnaskro, ale o vušta le bijedevleskre manušengre garuven o nalačhipen.

Prislovja 10:5

Ko skidel o uľipen ňilaje, hino goďaver čhavo, ale o čhavo, savo prekal e žatva sovel, hino pre ladž.

Prislovja 11:26

O manuša prekošen oles, ko na kamel te bikenel e pšeňica, medik na bikenela vzacneder, ale o manuša ašaren oles, ko e pšeňica bikenel.

Prislovja 24:25

ale olenge, ko les pokarhinena, džala mištes a bešela pre lende o baro požehnaňje.

Prislovja 28:20

O pačivalo manuš ela igen požehňimen, no o trestos na obdžala oles, ko kamel sig te barvaľol.

Prislovja 3:33

O prekošiben le RAJESKRO hin pro kher le bijedevleskro, ale o kher le čačipnaskro ela požehňimen.

Izajaš 3:10

Phenen le spravodľivenge, hoj lenge ela mištes; on radisaľona olestar, so chudena vaš peskre lačhe skutki.

Obadijaš 1:10

Vašoda, hoj choľaha murdarenas tumare phralen, le Jakoboskre čhaven, zaučharela tumen e ladž andre a merena avri pro furt.

Rimanenge 3:19

Amen džanas, hoj oda, so hin phendo andro zakonos, hin phendo prekal ola, kas hin o zakonos, hoj pes te phandel andre dojekh muj a calo svetos te avel binošno anglo Del.

5. Mojžišoskro 28:2

Te šuneha o lava le RAJESKRE, tire Devleskre, avena pre tute savore kala požehnaňja a ačhena pre tute: