Prislovja 10:14 - Le Devleskero Lav Andre Romaňi Čhib Slovensko 2021

¹⁴ Ola, ko hine goďaver, skiden upre o prindžaripen, no o vakeriben le dilineskro anel pharipen.

Prislovja 10:14 ပူးပေါင်းရင်းမြစ်များ

Prislovja 18:7

Oda, so o dilino vakerel, les zňičinel; leskre lava les zachuden andre pasca.

Prislovja 10:8

O goďaver prilel le jileha o prikazi, no ko vakerel o diliňipen, zňičinela pes korkores.

Prislovja 13:3

Oda, ko peske del pozoris pre čhib, chraňinel peske o dživipen, ale oda, ko sig vakerel, zňičinela pes korkores.

Prislovja 10:10

Ko džmurkinel la jakhaha, anel avreske dukh, a ko vakerel o diliňipen, ela zňičimen.

Prislovja 9:9

De goďi le goďaverones a ela meksa goďavereder, sikav le čačipnaskres a džanela buter.

Matuš 13:52

A ov lenge phenďa: „Vašoda sako, ko sikavel o zakonos a ačhiľa učeňikos andro kraľišagos le ňeboskro, hino sar o chulaj, savo lel avri andral peskro barvaľipen the neve the purane veci.“

Matuš 13:44

„O ňeboskro kraľišagos hino sar o poklados garudo pre maľa. Sar les o manuš arakhľa, garuďa les a radišagostar geľa a bikenďa savoro, so les sas, a paľis cinďa odi maľa.

Matuš 12:35

O lačho manuš lel andral peskro lačho barvaľipen avri o lačhe veci, a o nalačho manuš lel andral peskro nalačho barvaľipen avri o nalačhe veci.

Prislovja 21:23

Ko peske stražinel o vušta the e čhib, chraňinel pes korkores le pharipnastar.

Prislovja 19:8

Ko dochudel o prindžaripen, rado pes dikhel; sa avela avri mištes oleske, ko kerel goďaha.

Prislovja 18:15

O goďaver jilo dochudela o prindžaripen a o goďaver kan les rodel.

Prislovja 18:1

Kaske džal ča pal peskre veci, pes odďelinel avrendar a na ačhel ňisava lačha radatar.

Prislovja 1:5

O goďaver manuš len mi šunel a mi barvaľol andro prindžaripen, a oda, ko hino avrisikado, mi prilel e lačhi rada,

Prislovja 12:23

O goďaver na vakerel sig, so džanel, ale o jilo le dilineskro čhivkerel avri o diliňipen.

Kazaťeľis 10:12

O lava andral o muj le goďavereskre anen leske pačiv, ale o vušta le nagoďavereskre zňičinena les korkores;

Prislovja 17:20

Oles, kas hin previsardo jilo, na ela bach, a kas hin e falošno čhib, doperela andre bibach.