Prislovja 1:5 - Le Devleskero Lav Andre Romaňi Čhib Slovensko 2021

⁵ O goďaver manuš len mi šunel a mi barvaľol andro prindžaripen, a oda, ko hino avrisikado, mi prilel e lačhi rada,

Prislovja 1:5 ပူးပေါင်းရင်းမြစ်များ

2. Kronicko 25:16

Medik o prorokos vakerelas, o Amacijah leske phenďa: „Či tutar amen kerďam le kraľiskre radcas? Preačh! Soske kames te avel murdardo?“ Avke o prorokos preačhiľa, ale mek phenďa: „Džanav, hoj o Del tut zňičinela, bo kerďal oda a na šunďal mire lava.“

O Job 34:10

Vašoda man šunen, tumen manušale, so achaľon! O Del šoha na kerďahas oda, so nane lačho, o Nekzoraleder šoha na kerďahas oda, so nane čačo!

O Job 34:16

Te sal goďaver, šun kada; šun, so phenav.

O Job 34:2

„Šunen mire lava, tumen goďaver manušale; šunen man, tumen avrisikade manušale!

O Job 34:34

O manuša, save achaľon, the o goďaver manuša, so man šunen, phenena,

Prislovja 12:1

Oda, ko rado prilel o dovakeriben, kamel o prindžaripen, a ko našťi avri ačhel o privakeriben, hino dilino.

Prislovja 14:6

Ko asal le goďaveripnastar, šoha les na arakhela, ale oda, ko hino goďaver, lokes sikľol.

Prislovja 18:15

O goďaver jilo dochudela o prindžaripen a o goďaver kan les rodel.

Prislovja 19:25

Te mareha oles, ko asal savorestar, so hin lačho, ta o nagoďaver sikľola goďi; pokarhin le goďaveres a dochudela o prindžaripen.

Prislovja 21:11

Te maren oles, ko asal savorestar, so hin lačho, ta o nagoďaver sikľola; te sikaven le goďaverones, dochudel o prindžaripen.

Prislovja 8:33

Šunen mištes, so tumen sikavav, a aven goďaver! Ma odčhiven tumendar miro sikaviben!

Prislovja 9:8

Te pokarhineha oles, ko peske na del te phenel, našťi tut avri ačhela, ale te pokarhineha le goďaverones, kamela tut.

Prislovja 9:9

De goďi le goďaverones a ela meksa goďavereder, sikav le čačipnaskres a džanela buter.

Kazaťeľis 9:11

Pale dikhľom vareso aver pre phuv: Ola, ko denašen sigeder, na zviťazinen furt o denašiben aňi o zorale murša furt na zviťazinen o mariben; aňi le goďaveren nane furt o chaben, aňi ola, ko nekfeder achaľon, nane furt barvale, aňi olen, ko but sikľile, nane furt e pačiv, bo džal pal oda, či sal pro lačho than andro lačho časos.

1. Korinťanenge 10:15

Vakerav ke tumende sar ko goďaver manuša, hoj tumen te zagondoľinen upral oda, so phenav.

5. Mojžišoskro 4:6

Mištes len doľikeren, bo oda avre narodenge sikavela tumaro goďaveripen the achaľuvipen. Bo sar on šunena pal savore prikazi the zakoni, phenena: ‚Kada baro narodos hino čačes igen goďaver.‘