O Job 27:7 - Le Devleskero Lav Andre Romaňi Čhib Slovensko 2021

⁷ Miro ňeprijaťeľis mi el mardo sar o bijedevleskro a oda, ko pre ma džal, avke sar o nalačho manuš!

O Job 27:7 ပူးပေါင်းရင်းမြစ်များ

2. Samueloskro 18:32

O David lestar phučľa: „Sar hin le terne muršeske le Absolonoske?“ Ov odphenďa: „Kada, so pes ačhiľa tire čhaske, rajeja the kraľina miro, pes mi ačhel tire ňeprijaťeľenge the savorenge, ko pes hazdle upre pre tute!“

O Job 27:6

Mire spravodľišagostar man zorales ľikerava a na mukava man lestar; miro jilo man na obviňinela, medik ča dživava.

O Job 27:8

Bo savi naďej hin le bijedevleskre manušes, sar merela? Sar lestar o Del lela o dživipen?

O Job 31:35

Jaj, te man uľahas ko te šunel avri! Kade podpisinav miri obrana! Mi odphenel mange o Nekzoraleder! Kamľomas te dikhel ola obviňeňja, so pre mande pisinďa o žalobcas!

Daniel 4:19

Kraľina, tu sal oda stromos! Tu barohas a zoraľohas; tiri zor barolas a dogeľa dži andro chmari a tiro rajipen hin dži pro koňec la phuvake.

1. Samueloskro 25:26

Akana, rajeja miro, avke sar dživel o RAJ a avke sar džives tu: O RAJ tuke na domukľa te meľarel pes le rateha, hoj les te murdares a korkoro tut te pomsťines tire ňeprijaťeľenge. Tire ňeprijaťeľa the ola, ko tuke kamen o nalačhipen, mi doperen avke sar the o Nabal.