O Evaňjelium le Janoskro 8:53 - Le Devleskero Lav Andre Romaňi Čhib Slovensko 2021

⁵³ So sal tu bareder sar amaro dad o Abraham, savo muľa? The o proroka mule. So tutar keres?“

O Evaňjelium le Janoskro 8:53 ပူးပေါင်းရင်းမြစ်များ

Izajaš 9:6

Leskri vlada furt barola a leskro smirom šoha na preačhela. Vladňinela pro tronos le Davidoskro the andre leskro kraľišagos, savo ačhavela a zathovela pro čačipen the pro spravodľišagos, akanastar dži pro furt. E Horľivosť le Nekzoraleder RAJESKRI ada kerela.

Matuš 12:6

Phenav tumenge, hoj kade hin vareso bareder sar o chramos.

Matuš 3:9

Ma gondoľinen tumenge, hoj phenena: ‚Se o Abraham hino amaro dad!‘ Bo phenav tumenge, hoj o Del kale barendar šaj kerel le Abrahamoskre čhaven!

O Evaňjelium le Janoskro 10:33

O Židi leske odphende: „Na vaš o lačhe skutki tut kamas te murdarel, ale vaš oda, hoj tut ruhines pro Del a keres tutar Del; se tu sal ča manuš.“

O Evaňjelium le Janoskro 12:34

O nipi leske odphende: „Amen šunďam andro Zakonos, hoj o Kristus ačhela pro furt! Sar oda, hoj tu phenes, hoj o Čhavo le Manušeskro mušinel te avel uprehazdlo? Ko hin oda Čhavo le Manušeskro?“

O Evaňjelium le Janoskro 19:7

O Židi leske odphende: „Amen hin zakonos a pal oda zakonos mušinel te merel, bo kerelas pestar o Čhavo le Devleskro.“

O Evaňjelium le Janoskro 4:12

So, tu sal bareder sar amaro dad o Jakob, savo amenge diňa kadi chaňig? Se ov korkoro andral pijelas, the leskre čhave the leskre džviri.“

O Evaňjelium le Janoskro 5:18

Vaš oda lav les o Židi mek buter kamenas te murdarel, na ča hoj na doľikerel o šabat, ale mek the le Devles vičinel Dado a kerel pestar jekh le Devleha.

O Evaňjelium le Janoskro 8:58

O Ježiš phenďa: „Čačes, čačes phenav tumenge, hoj sigeder sar sas o Abraham, Me Som.“

Rimanenge 9:5

Lendar hine o dada a lendar hine the ola, kastar avel o Kristus pal o ťelos, savo hino Del upral savorende a hino požehňimen pro furt. Amen.