O Evaňjelium le Janoskro 6:55 - Le Devleskero Lav Andre Romaňi Čhib Slovensko 2021

⁵⁵ Bo miro ťelos hin oda čačo chaben a miro rat oda čačo pijiben.

O Evaňjelium le Janoskro 6:55 ပူးပေါင်းရင်းမြစ်များ

Žalmi 4:7

But džene phučen: „Ko amenge sikavela o lačhipen?“ RAJEJA, mi švicinel pre amende o švetlos tire mujestar!

O Evaňjelium le Janoskro 1:47

Sar dikhľa o Ježiš, hoj o Natanael avel ke leste, phenďa: „Dikh, čačo Izraelitas, andre savo nane klamišagos.“

O Evaňjelium le Janoskro 1:9

Oda čačo švetlos, so labol prekal dojekh manuš, avelas pro svetos.

O Evaňjelium le Janoskro 15:1

„Me som oda čačo viňičis a miro Dad hino vinaris.

O Evaňjelium le Janoskro 6:32

Pre oda lenge o Ježiš phenďa: „Čačes, čačes phenav tumenge, hoj na o Mojžiš tumen diňa o maro andral o ňebos, ale miro Dad tumen del o čačo maro andral o ňebos.

O Evaňjelium le Janoskro 6:54

Ko chal miro ťelos a pijel miro rat, oles hin večno dživipen a me les uštavava andro posledno džives.

O Evaňjelium le Janoskro 6:56

Oda, ko chal miro ťelos a pijel miro rat, ačhel andre ma a me andre leste.

O Evaňjelium le Janoskro 8:31

Akor phenďa o Ježiš ole Židenge, save andre leste pačanďile: „Te doľikerena miro lav, čačes san mire učeňika.

O Evaňjelium le Janoskro 8:36

Te tumen o Čhavo oslobodzinela, akor avena čačes slobodna.

Židenge 8:2

Ov služinel sar o Nekbareder Rašaj andro Neksveteder than, andro čačo Svetostankos, so ačhaďa o Raj, a na o manuš.

1. Jan 5:20

A džanas, hoj o Čhavo le Devleskro amen avľa te del goďi, hoj te prindžaras le čače Devles. A amen sam andro čačo Del, andre leskro Čhavo Ježiš Kristus. Ov hino o čačo Del the o večno dživipen.