O Evaňjelium le Janoskro 6:50 - Le Devleskero Lav Andre Romaňi Čhib Slovensko 2021

⁵⁰ Ale kada hin oda maro, so avel tele andral o ňebos, a oda manuš, so lestar chala, na merela.

O Evaňjelium le Janoskro 6:50 ပူးပေါင်းရင်းမြစ်များ

O Evaňjelium le Janoskro 3:13

Ňiko na geľa upre andro ňebos, ča oda, ko avľa tele andral o ňebos, o Čhavo le Manušeskro.

O Evaňjelium le Janoskro 3:36

Oda, ko pačal andro Čhavo, oles hin o večno dživipen, ale oda, ko na prilel le Čhas, na dikhela o dživipen, ale ačhel pre leste e choľi le Devleskri.“

O Evaňjelium le Janoskro 5:24

Čačes, čačes phenav tumenge, hoj oles, ko šunel miro lav a pačal oleske, ko man bičhaďa, hin večno dživipen. Na džala pro sudos, ale pregeľa andral o meriben andro dživipen.

O Evaňjelium le Janoskro 6:33

Bo le Devleskro maro hin oda, ko avel tele andral o ňebos a del le svetos dživipen.“

O Evaňjelium le Janoskro 6:42

A phenenas: „Či nane kada o Ježiš, o čhavo le Jozefoskro? Či na prindžaras leskre dades the da? Sar šaj phenel: ‚Avľom tele andral o ňebos?‘ “

O Evaňjelium le Janoskro 6:47

Čačes, čačes phenav tumenge: Oles, ko andre mande pačal, hin o večno dživipen.

O Evaňjelium le Janoskro 6:51

Me som oda džido maro, so avľa tele andral o ňebos. Te vareko chala ole marestar, dživela furt. Oda maro hin miro ťelos, savo me dava vaš o dživipen le svetoskro.“

O Evaňjelium le Janoskro 6:58

Kada hin oda maro, so avľa tele andral o ňebos; na avke sar tumare dada chanas e manna a mule. Oda, ko chala kada maro, dživela pro furt.“

O Evaňjelium le Janoskro 8:51

Čačes, čačes phenav tumenge te vareko doľikerela miro lav, šoha na dikhela o meriben.“

Rimanenge 8:10

Ale te hin o Kristus andre tumende, akor hin o ťelos mulo anglo binos, ale o Duchos hin o dživipen anglo spravodľišagos.