O Evaňjelium le Janoskro 6:31 - Le Devleskero Lav Andre Romaňi Čhib Slovensko 2021

³¹ Amare dada chanas e manna pre pušťa, avke sar hin pisimen: ‚Diňa len te chal o maro andral o ňebos.‘ “

O Evaňjelium le Janoskro 6:31 ပူးပေါင်းရင်းမြစ်များ

Nehemiaš 9:15

Diňal len o maro andral o ňebos, sar sas bokhale, a the o paňi andral e skala, sar sas smedna. Phenďal lenge, hoj te džan a te zalen peske e phuv, pal savi len diňal lav, hoj lenge la deha.

Nehemiaš 9:20

Andre peskro jileskeriben len sikavehas, so kampel te kerel. Čaľarehas len la mannaha a diňal len te pijel o paňi, sar sas smedna.

Žalmi 105:40

Sar žadinenas, anďa lenge prepelici; čaľarelas len mareha andral o ňebos.

2. Mojžišoskro 16:35

Avke o Izraeliti chanas e manna saranda (40) berš, medik na dogele andre phuv, kaj imar dživenas aver manuša. Chanas e manna, medik na doavle pre hraňica andre phuv Kanaan.

O Evaňjelium le Janoskro 6:32

Pre oda lenge o Ježiš phenďa: „Čačes, čačes phenav tumenge, hoj na o Mojžiš tumen diňa o maro andral o ňebos, ale miro Dad tumen del o čačo maro andral o ňebos.

O Evaňjelium le Janoskro 6:49

Tumare dada chanas e manna pre pušťa a mule.

O Evaňjelium le Janoskro 6:58

Kada hin oda maro, so avľa tele andral o ňebos; na avke sar tumare dada chanas e manna a mule. Oda, ko chala kada maro, dživela pro furt.“

1. Korinťanenge 10:3

Savore chanas oda jekh duchovno chaben

5. Mojžišoskro 8:3

Pokorinelas tut a domukelas, hoj te bokhaľos, ale paľis tut čaľarelas la mannaha, savi na prindžarehas aňi tu aňi tire dada. Aleha tut o RAJ sikavelas, hoj o manuš na dživel ča le marestar, ale dojekhe lavestar, so avel avri andral o muj le RAJESKRO.

Jozua 5:12

E manna preačhiľa andre oda džives, sar chale le uľipnastar andral odi phuv. Le Izraeliten imar na sas manna, ale andre oda berš chanas le uľipnastar andral o Kanaan.

Zjaveňje 2:17

Kas hin kana, mi šunel, so o Duchos phenel le khangerenge! Oles, ko zviťazinela, dava andral e garuďi manna a dava les parno baroro, pre savo ela pisimen o nevo nav, so na džanel ňiko, ča oda, ko les chudel.“