O Evaňjelium le Janoskro 6:26 - Le Devleskero Lav Andre Romaňi Čhib Slovensko 2021

²⁶ O Ježiš lenge odphenďa: „Čačes, čačes phenav tumenge: Tumen man na roden vaš oda, hoj dikhľan o zazraki, ale vaš oda, hoj chaľan ole marendar a čaľiľan.

O Evaňjelium le Janoskro 6:26 ပူးပေါင်းရင်းမြစ်များ

Žalmi 78:37

aňi peskre jilenca na sas paš leste, na ačhile pačivale leskra zmluvake.

Ezechiel 33:31

Avke ke tu aven mire manuša, zdžan pes a bešen peske paš tute, hoj te šunen tire lava, ale na keren oda, so lenge phenes. Le mujenca vakeren pal o kamiben, ale andro jilo lenge džal pal o napačivalo barvaľipen.

O Evaňjelium le Janoskro 3:3

O Ježiš leske odphenďa: „Čačes, čačes phenav tuke: Oda, ko na uľola pale, našťi dikhel o kraľišagos le Devleskro.“

O Evaňjelium le Janoskro 3:5

O Ježiš odphenďa: „Čačes, čačes phenav tuke, te vareko na uľola andral o paňi the andral o Duchos, našťi džal andro kraľišagos le Devleskro.

O Evaňjelium le Janoskro 6:14

Sar o nipi dikhle oda zazrakos, so o Ježiš kerďa, phenenas: „Ov hino čačes oda Prorokos, savo majinel te avel pro svetos.“

O Evaňjelium le Janoskro 6:15

A sar o Ježiš avľa pre oda, hoj imar aven a kamen lestar našilu te kerel kraľis, pale geľa korkoro pro verchos.

O Evaňjelium le Janoskro 6:2

A džanas pal leste igen but nipi, bo dikhle leskre zazraki, sar sasťarelas le nasvalen.

O Evaňjelium le Janoskro 6:24

No pre aver džives, sar dikhle ola nipi, hoj ode nane o Ježiš aňi leskre učeňika, gele andre ola loďki, so avle andral e Tiberijada. Avle andro Kafarnaum a rodenas le Ježiš.

O Evaňjelium le Janoskro 6:30

Akor leske phende: „Savo znameňje kereha, hoj te dikhas a te pačas tuke? So kereha?

O Evaňjelium le Janoskro 6:36

Ale phenďom tumenge, kajte man imar dikhľan, the avke na pačan.

O Evaňjelium le Janoskro 6:47

Čačes, čačes phenav tumenge: Oles, ko andre mande pačal, hin o večno dživipen.

O Evaňjelium le Janoskro 6:53

O Ježiš lenge phenďa: „Čačes, čačes phenav tumenge, hoj te na chana o ťelos le Čhaskro le Manušeskro a te na pijena leskro rat, na ela andre tumende o dživipen.

O Evaňjelium le Janoskro 6:64

Ale maškar tumende hin ajse, so na pačan.“ Bo o Ježiš imar ešebnovarestar džanelas, ko lendar na pačal a the ko les zradzinela.

Rimanenge 16:18

Bo kajse manuša na služinen amare Rajeske le Ježišoske Kristoske, ale peskre ťeloskre žadoscenge. Peskre gule lavenca the šukare vakeribnaha odcirden le pačivale manušen, save hine slaba andro gondoľišagos.

Filipanenge 2:21

Bo savore roden ča peskro a na le Ježišoskro Kristoskro.

Filipanenge 3:19

Lengro koňec hin o meriben, lengro del hin lengro per, lengri slava hin e ladž, bo gondoľinen ča pre oda, so hin pre kadi phuv.

1. Timoteoske 6:5

a furt pes vesekedinen o manuša, save namištes gondoľinen a savenge chibaľinel o čačipen, a save peske gondoľinen, hoj o dživipen le Devleha hin o drom ko barvaľipen.