O Evaňjelium le Janoskro 6:2 - Le Devleskero Lav Andre Romaňi Čhib Slovensko 2021

² A džanas pal leste igen but nipi, bo dikhle leskre zazraki, sar sasťarelas le nasvalen.

O Evaňjelium le Janoskro 6:2 ပူးပေါင်းရင်းမြစ်များ

Matuš 12:15

Sar pes o Ježiš pal oda dodžanľa, geľa odarik het. Džanas pal leste but nipi a savoren sasťarďa.

Matuš 13:2

Avle pal leste igen but nipi, vašoda geľa andre loďka a bešľa peske. Savore nipi ačhenas paš o moroskro brehos.

Matuš 14:14

Sar avľa o Ježiš avri andral e loďka, dikhľa igen but nipen. Sas leske pharo vaš lende a sasťarďa le nasvalen, save sas maškar lende.

Matuš 8:1

Sar avľa o Ježiš tele pal o verchos, avenas pal leste igen but nipi.

Marek 1:45

Ale ov geľa het a chudňa všadzik te vakerel pal oda, so pes ačhiľa. Vašoda o Ježiš imar našťi geľa andro fori anglo nipi, ale sas avri pro omukle thana, kaj pal leste avenas o manuša pal savore seri.

Marek 6:33

Ale but nipi len dikhle, sar džan het, a avle pre oda, kaj džan. Vašoda but džene, so sas odarik andral savore gavora, gele pešones pal lende pre oki sera a predenašle len.

O Evaňjelium le Janoskro 11:47

Akor o bare rašaja the o Farizeja zvičinde e Bari Rada a phende: „So keraha? Bo kada manuš kerel but znameňja!

O Evaňjelium le Janoskro 12:18

Vašoda avle ke leste but nipi, bo šunde, hoj kerďa oda zazrakos.

O Evaňjelium le Janoskro 12:37

Kajte o Ježiš anglal lende kerďa kajci but zazraki, na pačanas andre leste,

O Evaňjelium le Janoskro 2:11

Kada ešebno zazrakos, so o Ježiš kerďa, pes ačhiľa andre Kana Galilejsko. Avke sikaďa peskri slava a leskre učeňika andre leste pačanďile.

O Evaňjelium le Janoskro 2:23

Sar sas andro Jeruzalem pre Patraďi, but džene pačanďile andre leskro nav, bo dikhenas o zazraki, so kerelas.

O Evaňjelium le Janoskro 20:30

O Ježiš mek but aver zazraki kerďa anglo jakha peskre učeňikengre, so nane pisimen andre kadi kňižka.

O Evaňjelium le Janoskro 3:2

Ov avľa rači ko Ježiš a phenďa leske: „Rabbi, džanas, hoj avľal le Devlestar sar učiťeľis, bo ňiko našťi kerel ajse zazraki, sar tu keres, te leha na uľahas o Del.“

O Evaňjelium le Janoskro 6:14

Sar o nipi dikhle oda zazrakos, so o Ježiš kerďa, phenenas: „Ov hino čačes oda Prorokos, savo majinel te avel pro svetos.“

O Evaňjelium le Janoskro 6:22

O nipi, save ačhenas pre aver sera le moroskri, džanenas, hoj ode sas ča odi jekh loďka, andre savi gele leskre učeňika het. Džanenas the oda, hoj o Ježiš na geľa jekhetane peskre učeňikenca andre loďka, ale hoj o učeňika gele het korkore.

O Evaňjelium le Janoskro 6:26

O Ježiš lenge odphenďa: „Čačes, čačes phenav tumenge: Tumen man na roden vaš oda, hoj dikhľan o zazraki, ale vaš oda, hoj chaľan ole marendar a čaľiľan.

O Evaňjelium le Janoskro 6:30

Akor leske phende: „Savo znameňje kereha, hoj te dikhas a te pačas tuke? So kereha?