O Evaňjelium le Janoskro 5:2 - Le Devleskero Lav Andre Romaňi Čhib Slovensko 2021

² Andro Jeruzalem paš e Bakrengri brana sas paňi, savo o Židi vičinen Bethesda. Sas ode pandž hali kerde le slupendar.

O Evaňjelium le Janoskro 5:2 ပူးပေါင်းရင်းမြစ်များ

Nehemiaš 12:39

odarik džahas paš e Efrajimiko brana, paš e Puraňi brana the paš e Ribno brana a odarik paš e veža Chananel the paš e veža Mea, odarik paš e Bakrengri brana a zaačhiľam, sar dogeľam dži paš e Stražňikengri brana.

Nehemiaš 3:1

Avke o nekbareder rašaj Eljašib the o aver rašaja kerenas e Bakrengri brana. On la prikerde a thode upre o vudar. Ola branatar chudle te prikerel o muros dži paš e veža Mea a odarik dži paš e veža Chananel.

Nehemiaš 3:32

Maškar oda kher pro rohos the maškar e Bakrengri brana prikerenas o muros o zlatňika the o kupci.

Izajaš 22:11

Maškar o duj muri le foroskre ačhaďan e nadrža pro paňi andral o Purano Ribňikos. Ale na dikhenas pro Del, ko oda kerďa, a pre Oda, ko oda čirlastar stvorinďa, na dikhľan.

Izajaš 22:9

Tumen dikhľan, hoj andro muri andro foros le Davidoskro hin pherdo cheva; skidenas tumenge o paňi andro Teluno Ribňikos.

O Evaňjelium le Janoskro 19:13

Sar o Pilat šunďa kala lava, iľa le Ježiš avri a bešľa peske pro sudno stolkos pro than, so pes vičinel Litostrotos a andre hebrejiko čhib Gabata.

O Evaňjelium le Janoskro 19:17

Ľidžalas peskro kerestos a džalas pro than, so pes vičinel Lebka a andre hebrejiko čhib Golgota.

O Evaňjelium le Janoskro 19:20

A genenas la but Židi, bo oda than, kaj sas o Ježiš ukrižimen, sas pašes paš o foros. Sas oda pisimen hebrejski, grecki the laťinski.

O Evaňjelium le Janoskro 20:16

O Ježiš lake phenďa: „Mario!“ Oj visaľiľa a phenďa leske andre hebrejiko čhib: „Rabbuni!“ (So hin prethodo: Učiťeľina.)

O Evaňjelium le Janoskro 5:3

Andre ola thana pašľonas igen but nasvale – kore, bange the kaľiki. [A užarenas, medik pes na čhalavela o paňi.

O Evaňjelium le Janoskro 7:21

O Ježiš odphenďa: „Jekh zazrakos kerďom a savore tumen oleske čudaľinen.

Skutki 21:40

Sar leske domukľa, ačhaďa pes o Pavol pro garadiči a kerďa le manušenge le vasteha, hoj te čhiten. Sar sas savoredžene čhit, prevakerďa ke lende hebrejski.

Zjaveňje 16:16

A ola nalačhe duchi len skidle upre pro than, so pes hebrejski vičinel Harmagedon.

Zjaveňje 9:11

Ľidžalas len o kraľis, o aňjelos andral e Bari chev, so pes hebrejski vičinel Abaddon a grecki Apollion.