O Evaňjelium le Janoskro 3:8 - Le Devleskero Lav Andre Romaňi Čhib Slovensko 2021

⁸ E balvaj phurdel, kaj kamel, šunes la, ale na džanes, khatar avel a kaj džal. Avke oda hin the sakoneha, ko uľiľa andral o Duchos.“

O Evaňjelium le Janoskro 3:8 ပူးပေါင်းရင်းမြစ်များ

Žalmi 107:25

Phenďa lav a avľa bari burka, savi hazdľa o moroskre vlni.

Žalmi 107:29

E zoraľi burka čerinďa pre loki balvajori a o vlni pro moros peske bešle tele.

Žalmi 135:7

Prianel o chmari dži pal o agor la phuvatar; bičhavel o bleski le brišindeha a mukel avri e balvaj andral peskre skladi.

Kazaťeľis 1:6

E balvaj phurdel pro juhos a paľis pes visarel pro severos; furt kružinel, kružinel a visaľol pale pre peskre droma.

Ezechiel 37:9

Phenďa mange: „Prorokin ko dichos, prorokin, manušeja, a phen leske: ‚Kada phenel o RAJ, o Adonaj: Dichona, av pašal o štar balvaja a phurde pre kala murdarde, hoj te obdživen.‘ “

O Evaňjelium le Janoskro 1:13

save na uľile le ratestar aňi olestar, so kamelas o ťelos, vaj o murš – ale le Devlestar.

O Evaňjelium le Janoskro 3:7

Ma čudaľin tut, hoj tuke phenďom: ‚Mušinen te uľol pale.‘

O Evaňjelium le Janoskro 3:9

O Nikodem lestar phučľa: „Sar pes oda šaj ačhel?“

Skutki 2:2

Jekhvareste šunďiľa andral o ňebos ajso zoralo hangos, sar te avľahas zoraľi balvaj, a naplňinďa calo kher, kaj bešenas.

Skutki 4:31

A sar pes preačhile te modľinel, razisaľiľa oda than, kaj sas zgele, a jekhvareste sas savoredžene naplňimen le Svete Duchoha a vakerenas le Devleskro lav bi e dar.

1. Korinťanenge 12:11

Ale savoro kerel oda jekh Duchos korkoro, savo rozdel sakoneske o dari avke, sar ov kamel.

1. Korinťanenge 2:11

Bo ko džanel, so hin andro manuš, te na o duchos le manušeskro, so hin andre leste? Avke the le Devleskre veci na prindžarel ňiko, ča o Duchos le Devleskro.

1. Jan 2:29

Te džanen, hoj ov hino spravodľivo, akor džanen, hoj sako, ko kerel o spravodľišagos, uľiľa lestar.