O Evaňjelium le Janoskro 20:22 - Le Devleskero Lav Andre Romaňi Čhib Slovensko 2021

²² Sar oda phenďa, phurdľa pre lende a phenďa lenge: „Prilen le Svete Duchos!

O Evaňjelium le Janoskro 20:22 ပူးပေါင်းရင်းမြစ်များ

1. Mojžišoskro 2:7

Akor o RAJ, o Del, kerďa le manušes le prachostar pal e phuv a phurdľa leske andro nakh o dichos le dživipnaskro a o manuš chudňa te dživel.

O Job 33:4

O Duchos le Devleskro man stvorinďa, o dichos le Nekzoraledereskro man del o dživipen.

Žalmi 33:6

Le RAJESKRE laveha sas kerdo o ňebos a le dichoha andral leskro muj savore čercheňa.

Ezechiel 37:9

Phenďa mange: „Prorokin ko dichos, prorokin, manušeja, a phen leske: ‚Kada phenel o RAJ, o Adonaj: Dichona, av pašal o štar balvaja a phurde pre kala murdarde, hoj te obdživen.‘ “

O Evaňjelium le Janoskro 14:16

A me mangava le Dades a ov tumen dela avre Ťešiťeľis, savo ela tumenca pro furt;

O Evaňjelium le Janoskro 15:26

Ale sar avela o Ťešiťeľis, saves tumenge bičhavava, o Duchos le čačipnaskro, savo avel le Dadestar, ov svedčinela pal ma.

O Evaňjelium le Janoskro 16:7

No me tumenge phenav o čačipen: Tumenge ela feder, te me džava het. Bo te me na džava het, o Ťešiťeľis na avela ke tumende. Ale te džava het, bičhavava les ke tumende.

O Evaňjelium le Janoskro 20:21

O Ježiš lenge pale phenďa: „Smirom tumenge! Sar man bičhaďa o Dad, avke the me tumen bičhavav.“

O Evaňjelium le Janoskro 20:23

Olenge, kaske odmukena o bini, hin odmuklo, a kaske na odmukena o bini, nane odmuklo.“

O Evaňjelium le Janoskro 7:39

Ale kada phenďa pal o Sveto Duchos, saves chudena ola, ko andre leste pačana. Bo mek akor na sas dino o Sveto Duchos, bo mek o Ježiš na sas ilo upre andre slava.

Skutki 10:47

„Či šaj vareko zaačhavel te bolel le paňeha olen, ko priile le Svete Duchos avke sar the amen?“

Skutki 19:2

savendar phučľa: „Chudňan le Svete Duchos, sar pačanďiľan?“ On leske odphende: „Mek aňi na šunďam, hoj hin Sveto Duchos.“

Skutki 2:38

O Peter lenge phenďa: „Keren pokaňje a sako tumendar pes mi del te bolel andro nav Ježiš Kristus, hoj tumenge te aven odmukle o bini, a chudena le Svete Duchos sar daros.

Skutki 2:4

Jekhvareste sas savore naplňimen le Svete Duchoha a chudle te vakerel andre aver čhiba, avke sar lenge delas o Duchos te vakerel.

Skutki 4:8

Avke o Peter, naplňimen le Svete Duchoha, lenge phenďa: „Vodcale the phureder manušale le Izraeloskre!

Skutki 8:15

Sar ode doavle, modľinenas pes vaš lenge, hoj te chuden le Svete Duchos,

Galaťanenge 3:2

Ča oda tumendar kamľomas te džanel: Či chudňan le Devleskre Duchos, bo kerenas o skutki le zakonoskre? Abo vašoda, hoj šunďan o evaňjelium a pačanďiľan?