O Evaňjelium le Janoskro 18:12 - Le Devleskero Lav Andre Romaňi Čhib Slovensko 2021

¹² Akor o slugaďa, o veľiťeľis the o sluhi le Židengre ile le Ježiš a zaphandle les.

O Evaňjelium le Janoskro 18:12 ပူးပေါင်းရင်းမြစ်များ

1. Mojžišoskro 22:9

Sar imar avle pre oda than, pal savo leske o Del phenďa, o Abraham ačhaďa oltaris a rakinďa upre o kašta. Paľis phandľa peskre čhas le Izak a thoďa les pro oltaris, pro kašta.

1. Mojžišoskro 40:3

Diňa len te phandel andro kher le stražňikengre veľiťeľiskro, andre bertena, kaj sas phandlo the o Jozef.

Žalmi 118:27

O RAJ hin o Del; leskro švetlos švicinel pre amende. Priden tumen paš o manuša, džan radišagoha le palmenca andro vasta dži paš o oltaris.

Matuš 26:57

Avke zaile le Ježiš a ľigende les ko Kajfaš, ko nekbareder rašaj. Ode pes zgele o zakoňika the o phuredera.

Matuš 27:2

Phandle les, ľigende het a oddine le vladariske le Pilatoske.

Matuš 27:27

O slugaďa ile le Ježiš andre le vladariskro palacis a zgele pes pre leste caľi čata.

Marek 14:53

Ľigende le Ježiš ko nekbareder rašaj, kaj pes zgele savore bare rašaja, o phuredera the o zakoňika.

Marek 15:1

Takoj sig tosara pes dovakerde o bare rašaja, o phuredera, o zakoňika the e Bari Rada. Phandle le Ježiš, odľigende les a dine le Pilatoske.

Лукастар 22:54

Sar les zaile, ľigende les andro kher ko nekbareder rašaj. O Peter džalas pal leste dural.

O Evaňjelium le Janoskro 18:3

Avke iľa peha o Judaš jekh čata slugaďen the sluhen le nekbaredere rašajendar the Farizejendar. Sas len lampaša the aver švetla, šabľi the kopiji.

Skutki 10:1

Andre Cezarea sas varesavo murš, savo pes vičinelas Kornelius. Ov sas veľiťeľis upral o šel slugaďa andral e čata, so la vičinenas Italsko.

Skutki 21:31

Androda, sar les imar džanas te murdarel, pes došunďa o veľiťeľis upral o ezeros slugaďa, hoj hin bari vika andro Jeruzalem.

Skutki 21:37

Sar les imar kamenas te ľidžal andre kasarňa, phenďa o Pavol le veľiťeľiske: „Šaj tuke vareso phenav?“ A ov odphenďa: „Džanes te vakerel grecki?

Skutki 23:10

Sar pes furt buter vesekedinenas, daralas pes o veľiťeľis, hoj te na rozcirden le Pavol. Vašoda prikazinďa le slugaďenge, hoj te džan tele a te cirden les lendar avri a te ľidžan les andro kasarňi.

Sudcengro 16:21

O Filišťinci les chudle, ile leske avri o jakha a ľigende les andre Gaza. Ode les phandle le brondzune kľiginenca a andre bertena mušinelas te erňinel o zrnos.