O Evaňjelium le Janoskro 16:27 - Le Devleskero Lav Andre Romaňi Čhib Slovensko 2021

²⁷ se korkoro o Dad tumen rado dikhel, bo tumen man rado dikhenas a pačanďiľan, hoj me avľom le Devlestar.

O Evaňjelium le Janoskro 16:27 ပူးပေါင်းရင်းမြစ်များ

Sofonijaš 3:17

O RAJ, tiro Del, hino tuha, o zoralo hrďinas, savo zachraňinel. Thovel andre tu baro baripen, peskre kamibnaha tut del o nevo dživipen, andro radišagos upral tute giľavela zorales.“

Matuš 10:37

Oda, ko dikhel radeder peskre dades abo peskra da sar man, nane hodno, hoj te avel miro učeňikos. A oda, ko dikhel radeder peskre čhas abo peskra čha sar man, nane hodno, hoj te avel miro učeňikos.

O Evaňjelium le Janoskro 14:21

Ko prilel mire prikazaňja a doľikerel len, oda man kamel. A ko man kamel, oles kamela miro Dad; a the me les kamava a sikavava man leske.“

O Evaňjelium le Janoskro 14:23

O Ježiš leske odphenďa: „Oda, ko man kamel, doľikerela miro lav a miro Dad les kamela. A avaha ke leste a dživaha leha.

O Evaňjelium le Janoskro 16:30

Akana džanas, hoj džanes savoro a na kampel tuke, hoj tutar vareko te phučel. Vašoda pačas, hoj avľal le Devlestar.“

O Evaňjelium le Janoskro 17:23

Me andre lende a tu andre mande, hoj te aven jekh andre savoreste, hoj o svetos te džanel, hoj tu man bičhaďal a hoj len kamehas avke, sar man kamehas.

O Evaňjelium le Janoskro 2:11

Kada ešebno zazrakos, so o Ježiš kerďa, pes ačhiľa andre Kana Galilejsko. Avke sikaďa peskri slava a leskre učeňika andre leste pačanďile.

O Evaňjelium le Janoskro 3:13

Ňiko na geľa upre andro ňebos, ča oda, ko avľa tele andral o ňebos, o Čhavo le Manušeskro.

O Evaňjelium le Janoskro 7:29

Me les prindžarav, bo som lestar a ov man bičhaďa.“

O Evaňjelium le Janoskro 8:42

O Ježiš lenge phenďa: „Te uľahas o Del tumaro dad, kamľanas man, bo me avľom le Devlestar a akana som kade. Bo me na avľom korkoro mandar, ale ov man bičhaďa.

Rimanenge 8:3

Oda, so našťi kerelas o zakonos, bo o ťelos sas slabo, oda kerďa o Del, sar bičhaďa peskre Čhas. Ov avľa andre ajso ťelos, sar hin le binošne manušen, a odsudzinďa o binos andro ťelos.

1. Korinťanenge 15:47

Ešebno manuš hino la phuvatar, kerdo le prachostar; dujto manuš hin andral o ňebos.

1. Korinťanenge 16:22

Te vareko na kamel le Rajes, mi el prekošlo! Maranatha! Av, Rajeja amaro!

2. Korinťanenge 5:14

Bo o kamiben le Kristoskro amen ispidel, bo amen achaľiľam, hoj te jekh dženo muľa vaš savore, ta akor savore mule.

Galaťanenge 4:4

Ale sar pes naplňinďa o časos, bičhaďa o Del peskre Čhas, savo uľiľa la džuvľatar, uľiľa tel o zakonos,

Efežanenge 6:24

Le Devleskri milosť mi el savorenca, ko kamen amare Rajes le Ježiš Kristus le kamibnaha, so šoha na preačhel.

1. Timoteoske 1:15

Kala lava, so phenav, hin čačipen a šaj len te prilel a te pačal: O Ježiš Kristus avľa pro svetos te spasinel le binošnen, savendar me som nekgoreder.

Židenge 12:6

Bo kas o Raj kamel, oles bararel zoraha avri a marel sakones, kas prilel sar čhas.

1. Peter 1:8

Šoha les na dikhľan a the avke les kamen; aňi akana les na dikhen, ale pačan andre leste a radisaľon ajse radišagoha, savo pes aňi na del avri te phenel, a san naplňimen la slavaha.

1. Jan 4:19

Amen les kamas, bo ov amen ešebno kamelas.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!

Zjaveňje 3:9

Dikh, me kerava oda, hoj ola džene andral e satanoskri sinagoga – ola, ko pal peste phenen, hoj hine Židi, ale nane, bo klaminen – te aven a te banďon anglal tire pindre a te prindžaren, hoj me mange tut zakamľom.