O Evaňjelium le Janoskro 15:6 - Le Devleskero Lav Andre Romaňi Čhib Slovensko 2021

⁶ Te vareko na ačhel andre mande, ela čhido avri sar o konaricis a šučola avri. Paľis len skidena upre, čhivena andre jag a zlabona.

O Evaňjelium le Janoskro 15:6 ပူးပေါင်းရင်းမြစ်များ

2. Samueloskro 23:7

ale ko kamľahas pes lendar te chudel, mušinel te lel o trast, abo la kopijakro kašt. Ena zlabarde pre oda than, kaj hine.“

O Job 15:30

Na denašela le kaľipnaske, ela sar stromos, saveske e jag labarela o konara, o dichos andral le Devleskro muj les zňičinela.

Žalmi 80:15

Av pale ke amende, Nekzoraleder Devla! Dikh tele andral o ňebos pre amende! Starin tut pal kada viňičis,

Izajaš 14:19

ale tu sal čhido avri andral tiro hrobos sar o kirno konaris! Sal začhido olenca, ko sas murdarde a predemade la šabľaha; olenca, ko džan tele andre baruňi chev sar o ťelos, pre savo pes uštarel.

Izajaš 27:10

O ohradzimen foros ačhela prazdno, ela zamuklo, omuklo sar e pušťa. O gurumňora pes ode pašinena, ode peske pašľona, obchana leskre konarica.

Ezechiel 17:9

Phen: ‚Kada phenel o RAJ, o Adonaj: Dživela kada viňičis a barola? Či les na cirdela avri oda ešebno orlos le koreňenca a na čhingerela pal leste tele o ovocje, avke hoj šučola avri? Na kampela aňi zoralo vast aňi but dženen, hoj les te cirden avri le koreňenca.

Matuš 13:41

O Čhavo le Manušeskro bičhavela peskre aňjelen a lena avri andral leskro kraľišagos savoren, ko ľidžan le manušen andro binos, the olen, ko keren o nalačhipen.

Matuš 27:5

O Judaš čhiďa ola rupune love andro chramos a odgeľa. Paľis geľa a figinďa pes.

Matuš 3:10

O tover imar hino prithodo paš o koreňis le stromengro a dojekh stromos, savo na anel lačho ovocje, ela čhindo tele a čhido pre jag.

Matuš 7:19

Dojekh stromos, so na anel lačho ovocje, pes čhinel avri a čhivel pre jag.

O Evaňjelium le Janoskro 15:2

Dojekh konaricis andre mande, so na anel ovocje, odčhinel a dojekh, so anel ovocje, žužarel, hoj te anel buter ovocje.

Židenge 10:27

ale imar ča šaj užaras andre dar o sudos the e bari jag, so zňičinela olen, ko pes ačhaven le Devleske.

2. Peter 2:20

Bo te denašle le nalačhipnastar andral o svetos oleha, hoj prindžarde le Rajes the le Spasiťeľis le Ježiš Kristus, a te len o svetos pale zachudňa a zviťazinďa upral lende, akor lenge ela goreder pro agor sar ešeb.

1. Jan 2:19

Avle avri amendar, ale na sas amendar, bo te ulehas amendar, ačhilehas amenca. Ale kada pes ačhiľa, hoj pes te sikavel, hoj nane savore amendar.

Zjaveňje 20:15

Te varekaskro nav na sas pisimen andre kňižka le dživipnaskri, sas čhido andro jagalo jazeros.

Zjaveňje 21:8

Ale o zbabelci, o ňeverna, ola, ko keren o džungale veci, o vrahi, o lubara, o čaroďejňika, o modlara a the savore klamara ena čhide andro jazeros, so labol la jagaha the la siraha. Kada hin o dujto meriben.“