O Evaňjelium le Janoskro 15:22 - Le Devleskero Lav Andre Romaňi Čhib Slovensko 2021

²² Te na avľomas a na vakerďomas lenge, na uľahas len binos. Ale akana len nane vihovorka vaš lengro binos.

O Evaňjelium le Janoskro 15:22 ပူးပေါင်းရင်းမြစ်များ

Ezechiel 2:5

Či tut kala zacata manuša šunena abo na, ale džanena, hoj sas maškar lende o prorokos.

Лукастар 12:46

avela o raj ole sluhaskro andre oda džives, sar les na užarela, the andre odi ora, so na džanela; rozčhinela les pro jepaš a dela les than maškar o manuša, so nane verna.

O Evaňjelium le Janoskro 12:48

Oda, ko man na prilel aňi mire lava, oles hin ko te sudzinel. O lav, so vakeravas, les sudzinela andro posledno džives.

O Evaňjelium le Janoskro 15:23

Oda, ko man našťi avri ačhel, našťi avri ačhel the mire Dades.

O Evaňjelium le Janoskro 15:24

Te na kerďomas maškar lende o skutki, so ňiko aver na kerďa, na uľahas len binos. Ale akana dikhle, a the avke man the mire Dades našťi avri ačhen,

O Evaňjelium le Janoskro 16:9

O binos hin andre oda, hoj na pačan andre ma;

O Evaňjelium le Janoskro 19:11

O Ježiš leske odphenďa: „Na uľahas tut upral mande ňisavi zor, te tuke oda na uľahas dino upral. Vašoda bareder binos hin oles, ko man tuke diňa andro vasta.“

O Evaňjelium le Janoskro 9:41

O Ježiš lenge odphenďa: „Te uľanas kore, na uľahas tumen binos, ale akana phenen: ‚Amen dikhas!‘ Vašoda tumaro binos ačhel.“

Skutki 17:30

Varekana o Del predikhelas ola časi, sar les o manuša na prindžarenas, ale akana phenel savore manušenge všadzik, hoj pes te visaren peskre nalačhe dromendar.

Rimanenge 1:20

Le Devleskri zor the leskro devľipen našťi te dikhel, ale kanastar o Del kerďa o svetos, šaj oda dikhen andre ola veci, so kerďa, a vašoda pes o manuša našťi ospravedlňinena.

Rimanenge 2:1

Tu manušeja, sudzines avren? Te ada keres, našťi tut ňisoha ospravedlňineha, kajte ko sal. Bo te tu sudzines avren a paľis keres ola veci, so the on, korkoro tut sudzines.

Jakob 4:17

Te vareko džanel te kerel o lačho, a na kerel oda, kerel binos.

1. Peter 2:16

Dživen sar o slobodna manuša, ale tumari sloboda ma použinen sar e zamjenka te kerel o nalačhipen; dživen sar o sluhi le Devleskre.