O Evaňjelium le Janoskro 12:38 - Le Devleskero Lav Andre Romaňi Čhib Slovensko 2021

³⁸ hoj pes te naplňinel oda lav, so phenďa o prorokos Izajaš: „Rajeja, ko pačanďiľa amare lavenge? A kaske sas sikaďi le Rajeskri zor?“

O Evaňjelium le Janoskro 12:38 ပူးပေါင်းရင်းမြစ်များ

2. Kronicko 32:20

Vašoda o kraľis Chizkija the o prorokos Izajaš, le Amososkro čhavo, vičinenas a mangenas le Devles, hoj lenge te pomožinel

Žalmi 44:3

Tire vasteha cirdňal avri le naroden a amare daden sadzinďal andre lengri phuv. Avre naroden dukhavehas, ale lenge diňal te barol a te zoraľol.

Izajaš 51:5

Miro spravodľišagos hino pašes, miro spaseňje avel a miro vast sudzinela o narodi. Pre mande užarena o ostrovi a mukena pes pre miro vast.

Izajaš 51:9

Ušťi upre, ušťi upre, vasteja le RAJESKRO! Uri tut andre zor! Ušťi upre avke sar varekana, sar andre okla phurikane pokoleňja! Či oda na sal tu, ko čhingerďa le Rahab pro kotora a predemaďa la moroskra obluda?

Izajaš 53:1

Ko pačanďiľa amare lavenge? A ko dikhľa le RAJESKRO vast andre kada?

Matuš 15:7

Tumen dujemujengre, mištes pal tumende prorokinelas o prorokos Izajaš, sar phenďa:

Matuš 16:17

O Ježiš leske odphenďa: „Bachtalo sal Šimon, čhavo le Jonašiskro, bo o manuš tuke kada na sikaďa, ale miro Dad, savo hino andro ňebos.

Matuš 27:35

Sar les ukrižinde, rozďelinde peske leskre gada a losinenas vaše, [hoj pes te naplňinel oda, so phenďa o prorokos: „Rozďelinde peske mire gada a losinenas vaš mire veci.“]

O Evaňjelium le Janoskro 12:37

Kajte o Ježiš anglal lende kerďa kajci but zazraki, na pačanas andre leste,

O Evaňjelium le Janoskro 12:39

Vašoda našťi pačanďile, bo avrether pisinďa o Izajaš:

O Evaňjelium le Janoskro 15:25

hoj pes te ačhel o lav, so hin pisimen andre lengro Zakonos: ‚Našťi man avri ačhenas a na sas vaš soske.‘

O Evaňjelium le Janoskro 17:12

Medik somas lenca pro svetos, me len doľikeravas andre tiro nav, so man tu diňal. Davas pre lende pozoris a ňiko lendar na našľiľa, ča oda, ko mušinďa te avel našado, hoj pes te ačhel avke, sar hin pisimen.

O Evaňjelium le Janoskro 19:24

a phende peske: „Na čhingeras les, ale losinas vaše, kaskro ela.“ Aleha pes ačhiľa oda, so hin pisimen: „Rozďelinde peske maškar peste mire gada a vaš miro ruchos peske čhide losos.“ Kada hin oda, so kerde o slugaďa.

Rimanenge 10:16

Ale na savore priile o evaňjelium, bo o Izajaš phenel: „Rajeja, ko pačanďiľa amare lavenge?“

Rimanenge 10:20

O Izajaš pes na daralas te phenel: „Diňom man te arakhel olenge, ko man na rodenas, sikaďom man olenge, ko pal ma na phučenas.“

1. Korinťanenge 1:24

Ale olenge, kas o Del vičinďa, le Židenge the le Grekenge, hin o Kristus le Devleskri zor the le Devleskro goďaveripen.

Galaťanenge 1:16

prekal mande te sikavel peskre Čhas, hoj pal leste te vakerav maškar o aver narodi. Akor me imar na geľom pal oda ňikastar te phučel,