O Evaňjelium le Janoskro 12:29 - Le Devleskero Lav Andre Romaňi Čhib Slovensko 2021

²⁹ Ola nipi, save ode ačhenas, oda šunde a phende: „Herminďa!“ A aver phende: „O aňjelos leske vareso phenďa.“

O Evaňjelium le Janoskro 12:29 ပူးပေါင်းရင်းမြစ်များ

O Job 40:9

Sal ajso zoralo sar me? Herminel tiro hangos avke sar miro?

2. Mojžišoskro 19:16

Pro trito džives sig tosara pro verchos chudňa te herminel a te marel o bleski. E kaľi chmara les zaučharďa andre a šunďolas odarik igen zoralo hangos la trubakro a savore manuša andro taboris izdranas daratar.

2. Mojžišoskro 20:18

Sar o manuša šunde o hromi the o zoralo hangos la trubakro a dikhle o bleski the o thuv andral o verchos, igen izdranas daratar a ačhenas dural.

Ezechiel 10:5

Le cheruben šunďolas te kerel le kridlenca dži pre avruňi dvora. Šunďolas oda avke zorales sar o hangos le Nekzoraleder Devleskro, sar vakerel.

Skutki 9:7

Ola murša, so leha džanas jekhetane, na džanle pre oda so te phenel, bo šunde o hangos, ale ňikas na dikhle.

Zjaveňje 11:19

Pal ada pes phundraďa o chramos le Devleskro andro ňebos a dičholas e archa la zmluvakri. Avle o bleski, šunďile o hlasi, demade o perumi, e phuv razisaľolas a delas baro brišind le krupenca.

Zjaveňje 14:2

Šunďom o hangos andral o ňebos sar o hangos but paňengro, sar o hangos le zorale perumoskro. Oda hangos, so šunďom, sas ajso, sar kana o lavutara bašaven pre peskre harfi.

Zjaveňje 6:1

Dikhľom, sar phundraďa o Bakroro jekh le efta pečaťendar a šunďom jekha le džide bitosťendar te vičinel perumoskre hangoha: „Av!“

Zjaveňje 8:5

Paľis iľa o aňjelos o thuvalo čaroro, pherdžarďa les la jagaha pal o oltaris a čhiďa les pre phuv. A chudňa te herminel, marenas o perumi the o bleski a e phuv razisaľolas.