O Evaňjelium le Janoskro 12:1 - Le Devleskero Lav Andre Romaňi Čhib Slovensko 2021

¹ Šov džives angle Patraďi o Ježiš avľa andre Betanija, kaj bešelas o Lazar, saves o Ježiš uštaďa andral o meriben.

O Evaňjelium le Janoskro 12:1 ပူးပေါင်းရင်းမြစ်များ

Matuš 21:17

O Ježiš len ode mukľa, geľa avri andral o foros andre Betanija a ode presuča.

Marek 11:11

O Ježiš geľa andro Jeruzalem andro chramos a savoro peske predikhľa. Paľis odgeľa le učeňikenca andre Betanija, bo imar sas buter ori.

Лукастар 24:50

Paľis len iľa avri paš e Betanija, hazdňa o vasta a žehňinelas lenge.

Лукастар 7:37

No andre oda foros sas jekh binošno džuvľi, a sar pes oj došunďa, hoj o Ježiš bešel andro kher ko Farizejis, avľa ode a anďa peha jekh alabastrovo caklocis, andre savo sas igen vzacno olejos.

O Evaňjelium le Janoskro 11:1

Sas jekh nasvalo manuš, saveske sas o nav Lazar. Ov sas andral o gav Betanija, kaj bešenas e Maria the lakri pheň e Marta.

O Evaňjelium le Janoskro 11:43

Sar oda phenďa, vičinďa zorale hangoha: „Lazar, av avri!“

O Evaňjelium le Janoskro 11:44

A o mulo avľa avri. O pindre the o vasta leste sas zapačarde le pochtanenca a o muj leste sas zakerdo andre le khosneha. O Ježiš lenge phenďa: „Rozphanden les a muken les te džal!“

O Evaňjelium le Janoskro 11:55

E Patraďi sas pašes a but džene gele andro Jeruzalem imar angle Patraďi, hoj pes te obžužaren.

O Evaňjelium le Janoskro 12:12

Pre aver džives pes but nipi, so avle pre Patraďi, došunde, hoj o Ježiš džal andro Jeruzalem.

O Evaňjelium le Janoskro 12:20

Sas ode the varesave Greki, save avle andro Jeruzalem, hoj pro inepos te lašaren le Devles.

O Evaňjelium le Janoskro 12:9

But Židi pes dodžanle, hoj o Ježiš sas ode, a avke avle andre Betanija na ča pal o Ježiš, ale the vaš oda, hoj te dikhen le Lazar, saves uštaďa andral o meriben.