O Evaňjelium le Janoskro 11:55 - Le Devleskero Lav Andre Romaňi Čhib Slovensko 2021

⁵⁵ E Patraďi sas pašes a but džene gele andro Jeruzalem imar angle Patraďi, hoj pes te obžužaren.

O Evaňjelium le Janoskro 11:55 ပူးပေါင်းရင်းမြစ်များ

1. Mojžišoskro 35:2

Akor o Jakob phenďa leskra famelijake the savorenge, ko sas leha: „Čhiven het savore avre devlen, so hine tumende, žužaren tumen a preuren tumen.

O Job 1:5

Pal dojekh hoscina pre aver džives peske delas o Job te vičinel peskre čhaven a obžužarelas len. Ušťelas sig tosara a obetinelas e labarďi obeta vaš dojekh lendar, bo peske phenelas: „Šaj pes ačhiľa, hoj mire čhave kerde bini a vakerde namištes pro Del andre peskre jile.“ O Job furt avke kerelas.

Žalmi 26:6

Thovav avri mire vasta, bo nane man vina, a phirav pašal tiro oltaris, RAJEJA,

2. Mojžišoskro 19:10

o RAJ leske odphenďa: „Dža ko manuša, pošvecin len adadžives the tajsa a mi rajbinen peske o gada.

4. Mojžišoskro 9:10

„Phen le Izraelitenge: ‚Te pes vareko tumendar abo tumare potomkendar meľarena oleha, hoj pes chudena le mule manušestar, abo ena dur pro drom, the avke mi oslavinen e Patraďi pre pačiv le RAJESKE.

4. Mojžišoskro 9:6

Ale sas ode varesave murša, save pes meľarde, bo pes chudle le mule manušendar, a našťi oslavinenas e Patraďi. Vašoda oda džives avle ko Mojžiš the ko Aron

Matuš 26:1

Sar dovakerďa o Ježiš savore kala lava, phenďa peskre učeňikenge:

Matuš 26:2

„Džanen, hoj mek duj džives a ela e Patraďi a o Čhavo le Manušeskro ela dino, hoj les te ukrižinen.“

Marek 14:1

Sas mek duj džives angle Patraďi the anglo inepos le Marengro bi o Kvasos. O bare rašaja the o zakoňika rodenas sar le Ježiš počoral te chudel a te murdarel.

Лукастар 22:1

Imar sas pašes e Patraďi, o inepos le Marengro bi o kvasos.

O Evaňjelium le Janoskro 12:1

Šov džives angle Patraďi o Ježiš avľa andre Betanija, kaj bešelas o Lazar, saves o Ježiš uštaďa andral o meriben.

O Evaňjelium le Janoskro 13:1

Sas o džives angle Patraďi. O Ježiš džanelas, hoj avľa leskri ora te džal het andral kada svetos ko Dad, a vašoda, hoj kamelas peskren, save sas pro svetos, presikaďa lenge baro kamiben.

O Evaňjelium le Janoskro 18:28

Avke ľigende le Ježiš khatar o Kajfaš andro palacis le Pilatoskro a sas tosara. Ale on na gele andre, hoj pes te na meľaren, bo kamle te chal le bakrores pre Patraďi.

O Evaňjelium le Janoskro 2:13

E Patraďi le Židengri sas pašes a o Ježiš džalas andro Jeruzalem.

O Evaňjelium le Janoskro 2:6

A ačhenas ode šov barune kanti pro paňi, hoj pes o Židi te thoven (moren) pal lengri tradicija. Andre dojekh rešľolas vaj po šel ľitri.

O Evaňjelium le Janoskro 5:1

Paľis geľa o Ježiš andro Jeruzalem pro židoviko inepos.

O Evaňjelium le Janoskro 6:4

A e Patraďi, o inepos le Židengro, sas pašes.

Skutki 21:24

Le len tuha a jekhetane lenca tut obžužar a počin vaš lenge, hoj peske te den te hoľinel o šere. Paľis savoredžene prindžarena, hoj nane čačipen oda, so pal tu šunde, ale hoj the tu korkoro doľikeres o Zakonos.

Skutki 21:26

Akor iľa o Pavol ole muršen a pre aver džives pes lenca diňa te obžužarel. Geľa andro chramos a diňa le rašajenge te džanel, keci dživesa pes obžužarena a hoj pal ola dživesa pes anela e obeta vaš dojekh lendar.

Skutki 24:18

A pašoda, sar oda keravas, man arakhle obžužardes andro chramos a na sas manca ňisave nipi aňi na keravas ňisavi vika.

1. Korinťanenge 11:28

Ale sako pes ešeb mi zagondoľinel upral peskro dživipen a avke šaj chal ole marestar a šaj pijel andral odi kuči.

Jakob 4:8

Aven pašeder paš o Del a ov avela pašeder paš tumende. Thoven avri o vasta, tumen binošna manušale! A tumen, so san rozpolťena, žužaren tumenge o jile!

1. Samueloskro 16:5

„He, andro smirom,“ odphenďa o Samuel. „Avľom te obetinel le RAJESKE. Akana tumen obžužaren a aven manca paš e smiromoskri obeta.“ Paľis obžužarďa le Izaj the leskre čhaven a vičinďa len paš e smiromoskri obeta.