O Evaňjelium le Janoskro 1:48 - Le Devleskero Lav Andre Romaňi Čhib Slovensko 2021

⁴⁸ O Natanael leske phenďa: „Khatar man prindžares?“ O Ježiš leske odphenďa: „Mek sigeder, sar tut o Filip vičinďa, dikhľom tut, sar salas tel oda figovňikos.“

O Evaňjelium le Janoskro 1:48 ပူးပေါင်းရင်းမြစ်များ

Izajaš 65:24

Mek aňi na vičinena, imar me odphenava, mek sar vakerena, imar šunava avri.

Matuš 10:3

o Filip, o Bartolomej, o Tomaš, o Matuš o colňikos, o Jakob le Alfeoskro, o Tadeus,

Matuš 6:6

Ale sar tut modľines, dža andre tiri komorka, phand pal tu o vudar a modľin tut tire Dadeske, savo hino andro garuďipen. Bo tiro Dad dikhel oda, so hin garudo, a ov tuke počinela pale.

O Evaňjelium le Janoskro 1:44

O Filip sas andral e Betsaida, oda sas o foros, kaj bešelas o Andrej the o Peter.

O Evaňjelium le Janoskro 12:21

On avle ko Filip, savo sas andral e galilejsko Betsaida, a mangle les: „Rajeja, kamas te dikhel le Ježiš.“

O Evaňjelium le Janoskro 14:8

O Filip phenďa: „Rajeja, sikav amenge le Dades a buter amenge imar na kampela.“

O Evaňjelium le Janoskro 2:25

Leske na kampelas, hoj leske vareko te phenel vareso pal o manuš, bo ov džanelas, so hin le manušes andro jilo.

O Evaňjelium le Janoskro 6:5

Sar o Ježiš hazdňa o jakha a dikhľa, hoj ke leste aven igen but nipi, phenďa le Filiposke: „Kaj cinaha maro, hoj te das te chal savore kale nipen?“

O Evaňjelium le Janoskro 6:7

O Filip leske phenďa: „Aňi kajte cinďamas maro vaš o duj šel (200) denara, ta na uľahas dos, hoj sako lendar bajča sikra te chal.“

1. Korinťanenge 14:25

sar pes o garude veci andral leskro jilo otkerdehas. Avke perela pro muj, banďola anglo Del a viznavinela, hoj o Del hino čačes maškar tumende.

1. Korinťanenge 4:5

Vašoda ma sudzinen ňič anglal, medik na avela o Raj a anela pro švetlos oda, so hin garudo andro kaľipen, a sikavela, so peske gondoľinenas o manuša andro jile. Paľis chudela sako le Devlestar peskro lašariben.