Obadijaš 1:3 - Le Devleskero Lav Andre Romaňi Čhib Slovensko 2021

³ O baripen andre tiro jilo tut klaminďa, bo bešes učes pro skali a tiro kher hino upre pro verchi, vašoda tuke gondoľines: ‚Ko man šaj čhivel tele pre phuv?‘

Obadijaš 1:3 ပူးပေါင်းရင်းမြစ်များ

1. Mojžišoskro 36:8

O Ezav, savo pes vičinelas the Edom, ačhiľa te bešel pre brehengri phuv Seir.

2. Kraľengro 14:7

O Amacijah andre Lonďi dolina murdarďa deš ezera (10 000) edomike slugaďen. Andro mariben zaiľa o foros Sela. Paľis ole foros diňa nevo nav Jokteel a dži adadžives pes avke vičinel.

2. Kronicko 25:11

O Amacijah bi e dar džalas peskre muršenca andre Lonďi dolina. Ode murdarďa 10 000 Edomčanen

2. Kronicko 25:12

a zaile the avre 10 000 muršen. Ľigende len dži upre pre skala Sela a odarik len čhivkerenas tele a avke sas savoredžene murdarde pro skali.

O Job 20:6

Kajte leskro baripen džal upre dži o ňebos a leskro šero dochudel dži o chmari,

Prislovja 16:18

O baripen ľidžal andre pohroma a o barikano gondoľišagos kerela, hoj pereha tele.

Prislovja 18:12

Angloda, sar o manuš perel, hin o baripen andro jilo; e pokora hin anglal e slava.

Prislovja 29:23

O baripen le manušes thovela tele, ale oda, ko hino pokorno andro duchos, chudela e pačiv.

Izajaš 16:6

Šunďam pal o baro baripen le Moaboskro, sar pes ľidžal upre! Hino barikano the sprosto, ale leskro lašariben nane pre ňisoste.

Jeremijaš 21:13

„Dikh, me džav pre tute, Jeruzalem, so bešes upral e dolina, pre skalnato rovina, phenel o RAJ. Tumen phenen: ‚Ko pre amende avela, ko pes šaj dochudela andre amare khera?‘

Jeremijaš 37:9

Kada phenel o RAJ: Ma klaminen tumen korkoren a ma gondoľinen tumenge: ‚O Babilončana amendar imar džan het.‘ Se on na džana het.

Jeremijaš 48:28

Omuken o fori, manušale andral o Moab, džan te bešel maškar o skali; aven sar o holubos, savo peske kerel o hňizdos andro cheva la jaskiňakre.“

Jeremijaš 49:16

E dar, so rozľidžahas, the o baripen andre tiro jilo, tuha thode avri, tuha, so bešes andro jaskiňi andro skali a zales o bare verchi. Te tuke kerďalas o hňizdos avke učes sar o orlos, the odarik tut čhivava tele,“ phenel o RAJ.

Jeremijaš 49:4

So tut lašares le dolinenca, andre save hin pherdo paňi, tu napačivaľi čhaje le Amonoskri? Mukes tut pre tiro barvaľipen a phenes tuke: ‚Ko pre mande šaj avel?‘

Ezechiel 28:16

Ajci but bikenavkerehas the cinavkerehas, hoj tut oda doanďa andro maribena a kerďal binos. Akor tut tradňom avri pal o verchos le Devleskro, čhiďom tut avri, stražno cherubona, le jagale barendar.

Malachijaš 1:4

O Edom šaj phenel: „Sam zňičimen, ale pale ačhavaha oda, so sas telečhido.“ Ale o Nekzoraleder RAJ phenel kavke: „On šaj ačhaven, ale me čhivava tele! O nipi len vičinena ‚e nalačhi phuv‘ the ‚o manuša, pre save o RAJ hino furt choľamen‘.