Nekšukareder giľi 6:3 - Le Devleskero Lav Andre Romaňi Čhib Slovensko 2021

³ Me som oleskri, ko man kamel, a ov hino miro, čaľarel pes maškar o ľaľije.

Nekšukareder giľi 6:3 ပူးပေါင်းရင်းမြစ်များ

Žalmi 119:94

Me som tiro, zachraňin man, bo igen kamav te dživel pal tire prikazi.

Nekšukareder giľi 1:7

Phen mange avri, tu, saves avke kamav: Kaj pašineha tiro stados? Kaj odpočovineha pro dilos? Soske te avav sar e napačivaľi džuvľi paš o stadi tire prijaťeľengre?

Nekšukareder giľi 2:16

Oda, ko man kamel, hino miro a me som leskri; čaľarel pes maškar o ľaľije.

Nekšukareder giľi 4:5

Tire duj koľina hine sar duj terne gazeli, sar o dvojički, so chan e čar maškar o ľaľije.

Nekšukareder giľi 7:10

a tiro čumiben sar e nekfeder mol. Mi džal e mol šukares oleske, kas kamav; mi predžal leske prekal o vušta the danda.

Židenge 8:10

Kada hin e zmluva, so kerava le Izraeloskre khereha andre ola dživesa, so avena, phenel o Raj. Thovava mire zakoni andre lengri goďi a pisinava len pre lengre jile. Me avava lengro Del a on ena mire manuša.