Nekšukareder giľi 4:1 - Le Devleskero Lav Andre Romaňi Čhib Slovensko 2021

¹ Jaj, savi šukar sal, lasko miri, savi šukar sal, tire jakha hine mila sar o holubici tel o zavojis, tire bala hine kale sar o stados le kozengro, so avel tele pal o verchi andro Gilead.

Nekšukareder giľi 4:1 ပူးပေါင်းရင်းမြစ်များ

Žalmi 45:11

Prithov tiro kan, terňije, šun mištes a gondoľin pal oda: Bister pre tire manuša the pre tire dadeskro kher;

Nekšukareder giľi 1:15

Ó, savi šukar sal, lasko miri! Igen šukar sal! Tire jakha hine sar holubici.

Nekšukareder giľi 2:10

Prevakerďa ke ma oda, ko man kamel: „Ušťi upre, lasko miri, av, miri šukarori!

Nekšukareder giľi 2:14

Holubico miri, garuďi sal andre chev andre skala, andre skalakri škara. Sikav mange tiro muj a domuk mange te šunel tiro hangos; bo mištes šunďol tiro hangos a šukar hin tiro muj.

Nekšukareder giľi 6:5

Tire jakha man igen pricirden, ma dikh pre ma! Tire bala hine kale sar o stados le kozengro, so avel tele pal o verchi andro Gilead.

Nekšukareder giľi 6:7

Tire čhama pal o zavojis hine ajse lole sar e jepaš granatoskri phabaj.

Nekšukareder giľi 7:5

Tiri meň hiňi sar e veža la slonovinatar; tire jakha hine o jazera andro Chešbon paš e brana Bat-Rabim. Tiro nakh hino ajso šukar sar e veža andro Libanon, so hiňi anglo Damašek.

Jeremijaš 22:6

Bo kada phenel o RAJ pal o palacis le judske kraľiskro: ‚Kajte sal mange sar o Gilead, sar o verchi andro Libanon, kerava tutar e pušťa, o fori, kaj ňiko na bešel.

Ezechiel 16:14

A pal tiro šukariben džalas o hiros maškar o narodi, bo angle odi slava, so tut diňom, tiro šukariben ačhiľa dokonalo, phenel o RAJ, o Adonaj.

Micheaš 7:14

Pašin tire manušen tira pacaha, le bakroren, tiro ďeďictvos, so bešen korkore andro veš, kajte hine maškar o lačhe maľi. De lenge te pašinel pes andro Bašan the Gilead sar andre ola dživesa, so sas varekana.

4. Mojžišoskro 32:1

Le kmeňen Ruben the Gad sas igen but dobitkos. Sar dikhle, savi lačhi maľa sas andro Jazer the Gilead prekal o dobitkos,

4. Mojžišoskro 32:40

Avke o Mojžiš diňa e phuv Gilead le Machiroskre potomkenge a on ode ačhile te bešel.

Matuš 11:29

Len pre tumende miro jarmos a sikľon mandar, bo me som cicho the pokorno andro jilo, a arakhena o odpočinkos prekal tumare duši.

2. Korinťanenge 3:18

No amen savore pes dikhas andre slava le Rajeskri odučharde mujeha sar andro gendalos. A odi slava, so avel le Rajestar, savo hino o Duchos, amen čerinel pre leskro obrazis – andral jekh slava andre aver.