Nekšukareder giľi 3:8 - Le Devleskero Lav Andre Romaňi Čhib Slovensko 2021

⁸ Savore pes džanen te marel le šabľenca; dojekh hino avrisikado pro mariben; paš sakoneste hin e šabľa, hoj te ochraňinel le utokendar rači.

Nekšukareder giľi 3:8 ပူးပေါင်းရင်းမြစ်များ

Nehemiaš 4:16

Andre oda časos phenďom le manušenge: „Mi ačhel sako peskre sluhaha prekal e rat andro Jeruzalem, hoj amenge rači te pomožinen te stražinel a dživese te kerel e buči.“

Nehemiaš 4:17

Ňiko amendar, aňi me, aňi mire manuša, aňi o sluhi aňi o stražňika pal peste na čhivahas tele o gada a sakoneste sas leskri zbraň paš o vast.

Žalmi 45:3

Tu sal nekšukareder le muršendar, tire vušta hine pomazimen la milosťaha, vašoda tut o Del požehňinďa pro furt.

Žalmi 91:5

Na daraha tut le nalačhipnastar, so avel rači; aňi le šipostar, so ľecinel dživese;

Nekšukareder giľi 3:7

Dikh, le Šalamunoskro tronos! Pašal leste šovardeš zorale murša, nekfeder murša andral o Izrael.

Nekšukareder giľi 3:9

O kraľis Šalamun peske kerďa tronos le kaštestar andral o Libanon.

Izajaš 27:3

Me, o RAJ, la stražinav, furt la poľivinav, hoj la te na musaren, rat-džives la stražinav.

Jeremijaš 50:9

Bo me marava upre a anava pro Babilon andral e severno phuv le bare naroden, save pes zdžana jekhetane. Ačhavena pes leske a zalena les. Lengre šipi ena sar o hrďinas, savo furt trafinel peskro cieľos.

Sudcengro 3:16

O Ehud peske kerďa šabľa, ostro pal soduj seri a bari vaj jepaš metros, a thoďa peske la tel o gada pre čači sera.