Nekšukareder giľi 2:4 - Le Devleskero Lav Andre Romaňi Čhib Slovensko 2021

⁴ Domukľa mange te pijel peskri kamibnaskri mol, leskro kamiben sas upral mande sar e zastava.

Nekšukareder giľi 2:4 ပူးပေါင်းရင်းမြစ်များ

Ester 7:7

Akor o kraľis choľisaľiľa a ušťiľa pal oda than, kaj pijenas e mol, a geľa avri andre zahrada paš o palacis. O Haman andre odi dar ušťiľa a geľa paš e kraľovna Ester te mangel la vaš peskro dživipen, bo dikhľa, hoj o kraľis les kamel imar te del te murdarel.

O Job 1:10

Či na thoďal e ohrada pašal leste, pašal leskro kher the pašal savoro, so les hin? E buči leskre vastengri požehňinďal a leskre stadi rozbarile pal caľi phuv.

Žalmi 20:5

Mi del tut savoro, so peske tiro jilo mangel; mi avel tuke avri sa, so kames te kerel.

Žalmi 60:4

Razinďal la phuvaha a pharaďal la, akana la zaker andre, bo maj rozperel!

Žalmi 84:10

Devla, dikh pre amaro kraľis, pre amaro šťitos, dikh pro muj oleskro, kas pomazinďal!

Nekšukareder giľi 1:1

E nekšukareder giľi le Šalamunoskri.

Nekšukareder giľi 1:4

Le man tuha, av denašas! Ľidža man, kraľina miro, andre tire khera! Radisaľuvaha a thovaha baripen andre tu, lašaraha tiro kamiben buter sar e mol. Na čudaľinav man, hoj tut o terne čhaja avke kamen.

Nekšukareder giľi 5:1

Avľom andre miri zahrada, pheňe miri, terňije miri, obkidav miri mirha the miro koreňje; koštoľinav mire medostar, pijav miri mol the miro thud. Chan, mire prijaťeľale, pijen, mačon le kamibnastar.

Nekšukareder giľi 6:4

Šukar sal, lasko miri, sar e Tirca, ajsi šukar sar o Jeruzalem, užasno sar o čercheňa pro ňebos.

Izajaš 11:10

Andre oda džives o Koreňis le Izajoskro ela hazdlo upre sar e zastava prekal savore narodi. Savore narodi pal leste džana a oda than, kaj bešela, ela slavno.

Zjaveňje 3:20

Dikh, me ačhav paš o vudar a durkinav. Te vareko šunďahas miro hangos a phundraďahas o vudar, džava andre ke leste a chava leha a ov manca.