Nehemiaš 8:12 - Le Devleskero Lav Andre Romaňi Čhib Slovensko 2021

¹² Avke savore manuša gele khere te chal a te pijel, bičhavenas peske o chabena a oslavinenas bare radišagoha, bo achaľile o lava, so sas lenge pregende.

Nehemiaš 8:12 ပူးပေါင်းရင်းမြစ်များ

1. Kronicko 29:22

Oda džives chanas a pijenas anglo RAJ bare radišagoha a le Davidoskre čhas le Šalamun pale ačhade kraľiske. Pomazinde les kraľiske a le Cadok rašaske.

Nehemiaš 8:10

Džan khere, chan o lačho chaben, pijen e guľi mol a bičhaven the olenge, kas nane ňič, bo kada džives hino pošvecimen amare RAJESKE. Ma aven smutna, bo o radišagos le RAJESKRO hin tumari zor.“

Nehemiaš 8:11

The o Leviti len kerenas tele le lavenca: „Kada džives hino sveto. Vašoda čhiten a ma aven smutna!“

Nehemiaš 8:13

Pre dujto džives pes zgele savore famelijengre vodci, o rašaja the o Leviti paš o zakoňikos Ezdraš, hoj feder te achaľon o zakonos.

Ester 9:22

bo andre ola dživesa, sar sas tumen imar smirom peskre ňeprijaťeľendar, pes čerinďa tumari žaľa pro radišagos a o roviben pro bachtalo džives. Avke ľikeren peske ola dživesa sar inepos a jekh avres den o chaben a le čoren den o dari.“

O Job 23:12

Na omukľom o prikazaňje, so mange phenďa, o lava andral leskro muj mange važinav buter sar miro chaben.

Žalmi 119:111

Tire sikavibena hine miro ďeďictvos pro furt, bo miro jilo lendar radisaľol.

Žalmi 119:127

Me kamav tire prikazaňja buter sar o somnakaj, buter sar o žužo somnakaj,

Žalmi 119:130

O zjaveňje tire laveskro anel o švetlos; kerel goďaver olestar, ko na achaľol.

Žalmi 119:14

Radisaľuvav tire prikazaňjendar avke sar le bare barvaľipnastar.

Žalmi 119:16

Andre tire zakoni man hin radišagos, pre tiro lav na bisterav.

Žalmi 119:171

Mi prečuľan o chvali andral mire vušta, bo tu man sikaves tire prikazi.

Žalmi 119:174

RAJEJA, igen kamav, hoj man te zachraňines! Tiro zakonos mange anel o radišagos.

Žalmi 119:72

O zakonos andral tiro muj mange hin vzacneder sar ezera somnakune the rupune love.

Žalmi 119:97

Ó, sar igen kamav tiro zakonos! Calo džives pal leste gondoľinav.

Jeremijaš 15:16

Furt, sar ke ma avenas tire lava, chavas len; tire lava mange anen o radišagos a miro jilo lendar radisaľol, se me man vičinav pal tiro nav, RAJEJA, Nekzoraleder Devla.

Лукастар 24:32

Akor phučle jekh avrestar: „Či andre amende na labonas amare jile, sar amenca pal o drom vakerelas a delas amenge te achaľol o Pisišagos?“

Rimanenge 7:18

Bo džanav, hoj andre mande – oda hin andre miro ťelos – na dživel o lačho. Bo the te kamav te kerel o lačho, na birinav oda te kerel.

Zjaveňje 11:10

Ola, ko bešen pre phuv, radisaľona upral lende, thovena baripen a jekh avreske bičhavena o dari, bo kala duj proroka trapinenas le manušen pre phuv.