Nehemiaš 6:2 - Le Devleskero Lav Andre Romaňi Čhib Slovensko 2021

² o Sanbalat the o Gešem mange dine te phenel: „Av zdžas pes andre varesavo gav pre rovina Ono.“ Ale on mange oleha kamle te kerel vareso nalačho.

Nehemiaš 6:2 ပူးပေါင်းရင်းမြစ်များ

2. Samueloskro 20:9

O Joab phučľa le Amasostar: „Sar sal, phrala miro?“ A chudňa les le čače vasteha la bradatar, avke sar te les kamľahas te čumidel.

2. Samueloskro 3:27

Sar o Abner avľa pale andro Hebron, o Joab leske phenďa: „Kamav tuha ča korkoro te vakerel.“ Paľis les ľigenďa paš e brana le foroskri, ode leske predemaďa o per la šabľaha a ov muľa. O Joab leske kamľa te visarel pale vaš oda, hoj murdarďa leskre phrales le Asahel.

1. Kronicko 8:12

Le Elpaaloskre čhave sas o Eber, o Mišam the o Šemed. On ačhade o fori Ono the Lod le gavenca, so hine pašal lende.

Nehemiaš 11:35

Lod, Ono the andre dolina Ge-Charašim.

Nehemiaš 3:22

Paš leste prikerenas o rašaja, save sas andral o gava pašal o foros.

Nehemiaš 6:3

Bičhaďom ke lende mire muršen, hoj lenge te phenen: „Hin man akana bari buči a našťi džav ke tumende. Soske te zaačhel e buči akor, sar me džava tele ke tumende?“

Žalmi 12:2

Pomožin, RAJEJA! Bo ňiko nane imar pobožno; o pačivale manuša našľile.

Žalmi 37:12

O nalačho gondoľinel te kerel namištes le spravodľivoneske; randel pre leste le dandenca.

Žalmi 37:32

O nalačho manuš užarel pro spravodľivo a rodel sar les te murdarel;

Kazaťeľis 4:4

Dikhľom, hoj savori lačhi buči le manušengri pes kerel ča vašoda, bo zavidzinen peskre susedenge. The kada nane pre ňisoste a hin oda o denašiben pal e balvaj.

Jeremijaš 41:2

Akor ušťiľa o Jišmael the ola deš murša, so sas leha, a chučile le šabľenca pro Gedaljah a murdarde les – oles, kas o babiloňiko kraľis ačhaďa vodcaske upral e phuv.

Ezechiel 33:31

Avke ke tu aven mire manuša, zdžan pes a bešen peske paš tute, hoj te šunen tire lava, ale na keren oda, so lenge phenes. Le mujenca vakeren pal o kamiben, ale andro jilo lenge džal pal o napačivalo barvaľipen.