Nehemiaš 2:20 - Le Devleskero Lav Andre Romaňi Čhib Slovensko 2021

²⁰ Me lenge pre oda odphenďom: „O Del pro ňebos amen požehňinela. Amen, leskre služobňika, pes mukaha andre kadi buči a ačhavaha o muri. Ale tumen nane andro Jeruzalem ňisavo kotor, ňisavo pravos aňi ňisavo leperiben.“

Nehemiaš 2:20 ပူးပေါင်းရင်းမြစ်များ

2. Kronicko 26:5

O Uziaš rodelas le Devles, medik dživelas o Zecharijah, bo ov les sikavelas le Devleskro lav. A medik rodelas le Devles, o Del les požehňinelas.

Ezdraš 4:3

Ale o Zerubabel, o Ješua the o aver vodci andral o izraelika fameliji lenge phende: „Tumen the amen našťi ačhavas jekhetane o Chramos amare Devleske. Ča amen korkore les mušinas te ačhavel le RAJESKE, le Izraeloskre Devleske, avke sar amenge prikazinďa o perziko kraľis Kiros.“

Nehemiaš 1:4

Sar šunďom ola lava, bešľom mange a rovavas. Ľikeravas vajkeci dživesa o smutkos, poscinavas a modľinavas man ko Del, savo hino pro ňebos.

Nehemiaš 2:4

Pre oda mange o kraľis phenďa: „Akor so tuke mandar manges?“ Avke me man modľinavas ko Del pro ňebos

Ester 4:11

„Savore sluhi the o nipi andral e kraľiskri phuv džanen pal o zakonos, hoj dojekh murš vaj džuvľi, ko džala andre andruňi dvora a kas o kraľis na vičinďa, mušinela te merel. Ča oda, pre kaste o kraľis sikavela peskre somnakune žezloha, na merela. Ale man na vičinde, hoj te džav ko kraľis, imar tranda (30) džives.“

Žalmi 102:17

bo o RAJ pale ačhavela o Sion a sikavela pes andre peskri slava.

Žalmi 122:6

Modľinen tumen vaš o smirom prekal o Jeruzalem a phenen: „Bachtale ola, ko tut kamen!

Žalmi 20:5

Mi del tut savoro, so peske tiro jilo mangel; mi avel tuke avri sa, so kames te kerel.

Žalmi 35:27

Mi thoven baripen a mi radisaľon ola, ko kamen, hoj pes te sikavel miro čačipen. Mi phenen furt: „Baro hin o RAJ, savo kamel, hoj leskre služobňikoske te džal sa mištes!“

Žalmi 51:18

Se tu na kames e obeta, bo me tuke anďomas; e labarďi obeta tuke nane pre dzeka.

2. Mojžišoskro 28:29

Sar o Aron džala andro Sveto than, urela pre peste kada naprsňikos, pre savo ena avrirandle o nava le Jakoboskre čhavengre. Akor mange me, o RAJ, furt leperava pre mire manuša.

Kazaťeľis 7:18

Obdža soduj kala veci, bo oda, ko pes daral le Devlestar, denašela olestar savorestar.

Izajaš 56:5

olen dava andre miro Chramos the maškar leskre muri o pomňikos the o nav, pre savo pes leperela buter sar pro nav olengro, kas hin čhave the čhaja. Dava len večno nav, pre savo pes šoha na bisterela.

3. Mojžišoskro 2:2

Anela oda ko rašaja, ko čhave le Aronoskre. O rašaj lela jekh burňik nekfeder aro le olejoha the savoro kaďidlos a labarela oda pro leperiben pro oltaris sar e jagaľi obeta, so voňinel šukares le RAJESKE.

3. Mojžišoskro 24:7

Paš dojekh šoros thov o žužo kaďidlos, savo pes labarela vaš o mare sar jagaľi obeta le RAJESKE.

Zacharijaš 6:14

E koruna ela andro Chramos le RAJESKRO, hoj pes te leperel pro Cheldaj, Tobijah, Jedajah the pro lačhipen le Cefanjoskro čhaskro.

4. Mojžišoskro 10:10

Andre ola dživesa, sar oslavinena – ešebno džives le Neve čhoneskro the tumare aver inepi – trubinena pro trubi paš o labarde the smiromoskre obeti. Akor mange leperava pre tumende. Me som o RAJ, tumaro Del.“

Skutki 10:31

a phenďa: ‚Kornelius, tiro lačhipen, so kerehas le čorenge, the o modľitbi sas avrišunde a o Del pre tu na bisterďa.

Skutki 10:4

Ov pes pre leste zadikhľa a daraha phenďa: „So, Rajeja?“ O aňjelos leske odphenďa: „Tiro lačhipen, so kerehas le čorenge, the o modľitbi sas avrišunde a o Del pre tu na bisterďa.

Skutki 8:21

Tu na sal jekh amendar andre kadi buči, bo tiro jilo nane žužo anglo Del.