Nehemiaš 2:13 - Le Devleskero Lav Andre Romaňi Čhib Slovensko 2021

¹³ Odi rat geľom avri prekal e Dolinakri brana ko Drakoskro prameňis dži ke Šmecengri brana a predikhavas o muri le Jeruzalemoskre. Ola muri sas rozphagerde a o brani zlabarde.

Nehemiaš 2:13 ပူးပေါင်းရင်းမြစ်များ

2. Kronicko 26:9

Andro Jeruzalem o Uziaš ačhaďa o veži pre Rohoskri brana, pre Dolinakri brana the pro muroskro rohos a zoralarďa len.

Nehemiaš 1:3

On mange phende: „Ola, save predžiďile a save avle pale, hine andre peskri phuv andro baro pharipen a tele len dikhen okla narodi. O muri pašal o Jeruzalem hine čhide tele a o brani zlabarde.“

Nehemiaš 12:31

Paľis bičhaďom le judske vodcen, hoj te džan upre pro foroskre muri, a ačhaďom duj partiji muršen, save giľavenas a paľikerenas le RAJESKE. Ešebno partija džalas pal o muros pre čači sera ke Šmecengri brana.

Nehemiaš 2:12

Paľis rači me the vajkeci murša ušťiľam, ale ňikaske na phenďom, so mange o Del thoďa pro jilo, hoj te kerav prekal o Jeruzalem. Na iľom manca ňisave džviros, ča le somaris, pre savo džavas.

Nehemiaš 2:15

vašoda dureder geľom pešones andre dolina Kidron te predikhel o muri. Paľis man visarďom pale andro foros prekal e Dolinakri brana.

Nehemiaš 2:17

Paľis lenge phenďom: „Korkore dikhen, andre savo pharipen sam. O Jeruzalem hino zňičimen a o brani zlabarde la jagaha. Aven, ačhavas pale o foroskre muri, hoj te na avas buter pro asaben.“

Nehemiaš 2:3

a odphenďom le kraľiske: „Mi dživel o kraľis pro furt! Sar te na avav smutno, te o foros, kaj hine parunde mire phure dada, hino čhido tele a o brani zlabarde?“

Jeremijaš 5:10

Avke me phenava le ňeprijaťeľenge: „Džan andre lengre viňici a ňičinen, ale calkom len ma zňičinen. Odčhinen lengre konara, bo on nane le RAJESKRE.