Nehemiaš 1:4 - Le Devleskero Lav Andre Romaňi Čhib Slovensko 2021

⁴ Sar šunďom ola lava, bešľom mange a rovavas. Ľikeravas vajkeci dživesa o smutkos, poscinavas a modľinavas man ko Del, savo hino pro ňebos.

Nehemiaš 1:4 ပူးပေါင်းရင်းမြစ်များ

2. Samueloskro 12:16

O David mangelas le Devles vaš o čhavoro, igen pes poscinelas a caľi rat pašľolas pre phuv.

2. Kraľengro 22:19

Vašoda, hoj kovľarďal tiro jilo a pokorinďal tut anglo RAJ, sar šunďal, so vakeravas pre kada than the pre leskre manuša, hoj doperena andre bari dar a ena prekošle, a vašoda, hoj čhingerďal pre tute o gada a rovehas angle mande, me tut šunďom avri, phenel o RAJ.

2. Kronicko 6:13

No o Šalamun angloda kerďa le brondzostar javiskos, so sas džinďardo the buchlo 220 centimetri a učo 130 centimetri a thoďa les pro maškar pre avruňi dvora. Sar ačhelas pre oda javiskos, banďiľa tele angle savore Izraeliti, hazdňa o vasta ko ňebos

Ezdraš 1:2

„Kada phenel o perziko kraľis Kiros: ‚O RAJ, o Del le ňeboskro, mange diňa savore kraľišagi pre phuv a kidňa peske man avri, hoj leske te ačhavav Chramos andro Jeruzalem andre Judsko.

Ezdraš 10:1

Medik o Ezdraš pašľolas le mujeha pre phuv anglo Chramos le Devleskro, rovibnaha pes modľinelas a phenelas avri o bini, avle ke leste but Izraeliti: o murša, o džuvľa the o čhave a igen rovenas.

Ezdraš 9:3

Sar oda šunďom, čhingerďom pre ma o ruchos the o plašťos a cirdavas mange o bala pal o šero the pal e brada. Bešľom mange a somas olestar igen zňičimen.

Ezdraš 9:5

Paš e račakri obeta ušťiľom pal oda than, kaj man pokorinďom a le rozčhingerde ruchoha the plašťoha peľom pro khoča, hazdňom upre o vasta a mangavas le RAJES, mire Devles:

Nehemiaš 2:20

Me lenge pre oda odphenďom: „O Del pro ňebos amen požehňinela. Amen, leskre služobňika, pes mukaha andre kadi buči a ačhavaha o muri. Ale tumen nane andro Jeruzalem ňisavo kotor, ňisavo pravos aňi ňisavo leperiben.“

Nehemiaš 2:4

Pre oda mange o kraľis phenďa: „Akor so tuke mandar manges?“ Avke me man modľinavas ko Del pro ňebos

Žalmi 102:15

Tire služobňika radisaľon le Sionoskre barenge a igen len dukhal, hoj hino sa andro prachos.

Žalmi 136:26

Paľikeren le ňeboskre Devleske, bo leskro verno kamiben ľikerel pro furt.

Žalmi 137:1

Paš o babiloňika paňa, bešahas a rovahas ode, sar peske leperahas pro Sion.

Daniel 10:2

Andre ola dživesa me, o Daniel, somas andre bari žaľa trin kurke.

Daniel 2:18

Phenďa lenge, hoj te mangen le Devlestar andro ňebos o jileskeriben vaš kada garuďipen, hoj les the leskre prijaťeľen te na murdaren okle goďaver muršenca andral o Babilon.

Daniel 9:3

Avke man visarďom ko Raj, miro Del, hoj les te rodav andre modľitba, igen les mangavas a poscinavas man. Somas urdo andro gada le gonestar a bešavas andro prachos andral o bov.

Jonaš 1:9

O Jonaš lenge phenďa: „Me som Hebrejis a lašarav le RAJES, le ňeboskre Devles, savo stvorinďa o moros the e phuv.“

Sofonijaš 3:18

„Skidava upre le manušen, so roven, bo našťi doľikeren o inepi, a vašoda hine andro pharipen the andre ladž.

Rimanenge 12:15

Radisaľon olenca, ko radisaľon, a roven olenca, ko roven.