Nehemiaš 1:11 - Le Devleskero Lav Andre Romaňi Čhib Slovensko 2021

¹¹ Mangav tut, ó, RAJEJA, šun avri miri modľitba the e modľitba savore tire služobňikengri, so tut den pačiv le jilestar. De, hoj o kraľis te avel ke ma adadžives jileskro a te avel mange avri oda, so kamav.“ Andre oda časos somas hlavno čašňikos le kraľiskro, so leske podelas e mol.

Nehemiaš 1:11 ပူးပေါင်းရင်းမြစ်များ

1. Mojžišoskro 24:42

Sar avľom adadžives paš e chaňig, phenďom: ‚Ó, RAJEJA, o Del mire rajeskro le Abrahamoskro, mangav tut, de man bach andre oda, so džav te kerel!

1. Mojžišoskro 32:11

Na som ajso lačho, hoj mange te presikaves o jileskeriben a te keres oda, so tutar mangav me, tiro služobňikos. Sas man ča e paca sar kadarik pregeľom prekal o Jordan a akana man hin duj tabora.

1. Mojžišoskro 32:28

O murš phučľa: „Sar tut vičines?“ „Jakob,“ odphenďa.

1. Mojžišoskro 40:1

Pal varesavo časos o sluhas, savo čhivkerelas e mol le faraonoske, the leskro pekaris, choľarde varesoha peskre rajes, le egiptske kraľis.

1. Mojžišoskro 40:2

O faraonos igen choľisaľiľa pre kala duj uradňika, pro hlavno sluhas the pro hlavno pekaris.

1. Mojžišoskro 40:21

Le sluhaske diňa pale leskro than, hoj leske te podavkerel e kuči andro vast,

1. Mojžišoskro 40:23

No oda hlavno sluhas peske pro Jozef na leperďa. Bisterďa pre leste.

1. Mojžišoskro 41:9

Paľis o hlavno sluhas, savo čhivkerelas e mol, phenďa le faraonoske: „Adadžives mange avľa pre goďi, hoj kerďom namištes.

1. Mojžišoskro 43:14

O Nekzoraleder Del mi presikavel tumenge o jileskeriben, hoj oda manuš te premukel le Benjamin the ole avre phrales. Te mušinav te našavel mire čhaven, mi ačhel pes.“

2. Kronicko 6:40

Akana, Devla miro, dikh pre amende a šun e modľitba, so džal ke tu pal kada than.

Ezdraš 1:1

Andre ešebno berš, sar kraľinelas o perziko kraľis Kiros, pes ačhiľa oda lav, so phenďa o RAJ prekal o prorokos Jeremijaš, avke, hoj o RAJ thoďa pro jilo le kraľiske Kiroske te pisinel a te phenel avri andre calo peskro kraľišagos kada:

Ezdraš 7:6

O Ezdraš avľa avri andral o Babilon a geľa andro Jeruzalem. Sas pisaris, savo mištes džanelas o zakonos le Mojžišoskro, so diňa o RAJ, o Del le Izraeloskro. O kraľis les delas savoro, so lestar mangelas, bo o vast le RAJESKRO, leskre Devleskro, sas upral leste.

Nehemiaš 1:6

Dikh pre ma a šun avri tire služobňikoskri modľitba, so džal ke tu rat the džives, vaš tire služobňika vaš o Izraeliti. Pridžanav, hoj savore kerďam bini: me, mire dadeskri famelija the calo Izrael.

Nehemiaš 2:1

Jekh džives andro čhon Nisan, sar o Artaxerxes kraľinelas imar bišto (20.) berš, iľom e mol andre kuči, so sas anglo kraľis, a podiňom la leske. Šoha angloda na somas angle leste smutno,

Nehemiaš 2:8

Mangav mek o ľil prekal o Asaf, savo hino ačhado upral o kraľiskre veša, hoj mange te del o kašta pre brana, pre veža paš o Chramos, pro foroskre muri the pro kher, andre savo bešava.“ O kraľis mange oda savoro diňa, bo le Devleskro lačho vast sas upral mande,

Žalmi 106:46

Kerďa, hoj lenge te presikaven o jileskeriben savore, so len zaile.

Žalmi 130:2

Ó Adonaj, šun miro hangos; prithov tiro kan paš miro roviben.

Žalmi 61:5

Joj, te bešľomas andre tiro stanos pro furt a te šaj man garuďomas andro ciňos tire kridlengro!

Žalmi 86:6

RAJEJA, visar tiro kan ke miri modľitba, šun miro mangipnaskro hangos!

Prislovja 1:29

vašoda, bo našťi avri ačhenas o prindžaripen, a na sas tumen e sveto dar anglo Raj,

Prislovja 21:1

Le kraľiskro jilo andro vast le RAJESKE hin sar o prudos le paňeskro, visarel les, kaj ča kamel.

Jeremijaš 42:12

Me tumenge presikavava e milosť, avke hoj o babiloňiko kraľis ela jileskro ke tumende a mukela tumen te bešel andre tumari phuv.‘

Malachijaš 3:16

Akor maškar peste vakerenas ola, ko pes daran le RAJESTAR. O RAJ oda dikhelas a šunďa. A sas pripravimen o zvitkos angle leste, andre savo sas pisimen o nava olengre, ko pes daran le RAJESTAR a den pačiv leskre naves.

Židenge 13:18

Modľinen tumen vaš amenge. Amen džanas, hoj amen hin žužo svedomje, bo andre savoreste pes kamas mištes te ľikerel.