Nahum 3:10 - Le Devleskero Lav Andre Romaňi Čhib Slovensko 2021

¹⁰ The avke sas kada foros zailo a geľa andro otroctvos. The leskre čhave sas rozčhingerde pro agora savore uľicengre. Vaš leskre vodci pes losinelas a savore leskre anglune murša sas zaphandle le lancenca.

Nahum 3:10 ပူးပေါင်းရင်းမြစ်များ

2. Kraľengro 8:12

„Soske rovel miro raj?“ phučľa lestar o Chazael. „Bo džanav, savo nalačhipen kereha le Izraelitenge,“ odphenďa leske. „Lengre ohradzimen fori zlabareha, le terne muršen la šabľaha murdareha, lengre cikne čhavorenca demeha andre phuv a le khabne džuvľen rozčhingereha.“

O Job 6:27

He, tumen čhiďanas losoha mek the vaš e širota a kšeftinďanas the tumare prijaťeľenca!

Žalmi 137:8

Tu, babiloňiko čhaje, so aveha zňičimen! Bachtalo hin oda, ko tuke visarela pale oda, so amenge kerďal!

Žalmi 137:9

Bachtalo oda, ko chudela tire čhaven a demela lenca andre skala.

Žalmi 149:8

hoj lengre kraľen te phanden le lancenca a lengre rajen le trastune kľiginenca,

Izajaš 13:16

Le čhavoren lenge murdarena anglo jakha, o khera lenge občorarena a le romňijenca lenge našilu pašľona.

Izajaš 13:6

Roven, bo pašes hin le RAJESKRO džives, avela sar e skaza le Nekzoraleder Devlestar.

Izajaš 19:4

Dava o Egipt andro vasta le nalačhe rajeske a vladňinela lenge o bijileskro kraľis,“ phenel o Del, o Nekzoraleder RAJ.

Izajaš 20:4

avke langen the pindrangen odľidžala o asiriko kraľis le zaile manušen andral o Egipt the andral o Kuš, le ternen the le phuren le lange buľenca pre ladž le Egiptoske.

Roviben le Jeremijašiskro 2:19

Ušťi upre prekal e rat a rov pale a pale anglo RAJ! Čhiv avri tiro jilo sar paňi anglo muj le RAJESKRO. Hazde ke leste tire vasta vaš o dživipen tire čhavengro, so meren bokhatar pro agor dojekha uľicakro.

Roviben le Jeremijašiskro 4:1

Jaj, sar kaľiľa o somnakaj, sar pes čerinďa o žužo somnakaj! O chramoskre bara hine rozčhide pal savore agora pro uľici.

Ezechiel 29:7

Sar tut chudela andro vasta, phadžoha a predemeha leske o vast telal e khak. Sar pes pre tu oprinela, phadžoha a slabisareha leske o pindre.‘ “

Joel 3:3

Sikavava o znameňja pro ňebos the pre phuv: o rat, e jag the o baro thuv.

Amos 1:13

Kada phenel o RAJ: „Na odmukava le manušenge andral o Amon a marava len vaš o trin bini the vaš o štar, bo rozčhingerenas le khabne džuvľen andral o Gilead, hoj te buchľaren peskre hraňici.

Obadijaš 1:11

Andre oda džives tumen ačhenas pre sera, akor sar o cudzinci zalenas lengro barvaľipen, sar o manuša lenge džanas andro brani a čhivenas peske o losi vaš o Jeruzalem, the tumen sanas sar jekh lendar.