Nahum 2:5 - Le Devleskero Lav Andre Romaňi Čhib Slovensko 2021

⁵ O verdana džan igen dzivones pal o uľici a traden pal o pľaci andro foros. Dičhon avri sar o jagale fakľi a predžan sar o bleski.

Nahum 2:5 ပူးပေါင်းရင်းမြစ်များ

Izajaš 21:5

On pripravinen o skamind, čhiven o kobercos pre phuv, chan a pijen. Ušťen, vodcale, pripravinen tumenge o šťiti!

Izajaš 5:27

Ňiko lendar nane strapimen a ňikaske na poddžan o pindre, ňiko na sovel aňi na driminel, ňikaske na phundrol o sirimos pašal o per a ňikaske na čhinďol o sirimocis pre sandalka.

Jeremijaš 46:12

O narodi šunena pal tiri ladž; tiro roviben džala pal caľi phuv. Bo jekh slugaďis perela pre aver slugaďis a sodujdžene perena jekhetane.“

Jeremijaš 50:29

„Vičinen pro Babilon le lukostrelcen, savoren, so nacirden o luki! Rozthoven tumenge pašal leste o taboris, hoj ňiko te na denašel. Visaren leske pale vaš leskre skutki, keren leske avke, sar ov kerelas tumenge, bo pes barikanes ačhavelas le RAJESKE, le Izraeloskre Svete Devleske.

Nahum 2:6

O Ninive zvičinel peskre nekfeder slugaďen, ale o pindre lenge poddžan pal o drom. Siďaren ko hradbi a ačhaven o šťiti pre ochrana.

Nahum 3:18

Kraľina andral e Asirija, tire pasťjera zasute a tire vodci peske pašľile tele. Tire manuša hine roztradle pro verchi a nane ko len te skidel upre.

Nahum 3:3

O jazdci pes mukle pro mariben; o šabľi the o kopiji bľišťisaľon. But džene hine murdarde, pherdo mule džene pro kopi. Ajci mule manuša, hoj pes na den aňi te zgenel; le manušenge pre lende poddžan o pindre.

Habakuk 1:8

Lengre graja hine richleder sar o leopardi a dziveder sar o vlki rači. Lengre jazdci igen siďaren; lengre graja aven dural. Ľecinen sig sar orli, so džan te chal peskri korisť.