Micheaš 4:11 - Le Devleskero Lav Andre Romaňi Čhib Slovensko 2021

¹¹ Ale akana pes pre tute skiden but narodi a phenen: „Mi el o Jeruzalem meľardo andre! Amare jakha mi dikhen pro Sion, hoj hino telečhido!“

Micheaš 4:11 ပူးပေါင်းရင်းမြစ်များ

Žalmi 129:5

Mi visaľon pale ladžaha savore, ko našťi avri ačhen o Sion!

Žalmi 83:5

Phenen: „Aven, murdaras len avri, hoj te na ačhen narodoske, hoj pes imar šoha te na leperel pro nav le Izraeloskro!“

Izajaš 10:7

Ale o asiriko kraľis oda avke na dikhel, leskro jilo oda avke na achaľol; ov kamel te zňičinel a te murdarel avri but naroden.

Izajaš 17:12

Vigos le narodenge, so hučinen, hučinen sar o zorale vlni! Vigos le manušenge, so bučinen, bučinen sar o baro paňi!

Izajaš 29:7

Akor kala pherdo manuša andral savore narodi, so pes marena le Arieloha, savore, so džana pre leste the pre leskro ohradzimen foros a trapinena les, našľona sar o suno, sar o viďeňje rači.

Jeremijaš 52:4

Sar o Cidkijah kraľinelas eňato berš, o babiloňiko kraľis Nebukadnecar geľa pro dešto džives andro dešto čhon savore peskre slugaďenca pro Jeruzalem. Pašal oda foros kerďa taboris a hordinenas pašal o muri pro kopi e čik the e poši, hoj pes te dochuden andro foros.

Ezechiel 26:3

vašoda kada phenel o RAJ, o Adonaj: Me džav pre tute, Tirona! Anava pre tute but naroden avke, sar o moros anel peskre vlni.

Ezechiel 38:17

Kada phenel o RAJ, o Adonaj: Oda sal tu, pal kaste vakeravas angloda prekal mire služobňika, prekal o proroka andral o Izrael. On andre ola dživesa imar but berša anglal prorokinenas, hoj tut anava pre lende.

Obadijaš 1:12

Na kampľa tumenge te thovel baripen andre oda džives, sar pre tumare phrala avľa baro pharipen; aňi te radisaľol le manušenge andral e Judsko andre oda džives, sar sas murdarde; aňi te phundravel igen o muj andre oda džives, sar on cerpinenas.

Micheaš 7:10

Paľis oda dikhela miri ňeprijaťeľka a e ladž zalela andre ola, so mange phenelas: „Kaj hino o RAJ, tiro Del?“ Pre mire jakha dikhava, sar perel tele, sar pal late phirena sar pal e čik pro uľici.

Zacharijaš 12:3

Andre oda džives kerava, hoj o Jeruzalem te el sar pharo bar prekal savore narodi. Savore, ko les kamena te hazdel, pes dukhavena, no savore narodi pre phuv pes zdžana pre leste.“