Matuš 9:3 - Le Devleskero Lav Andre Romaňi Čhib Slovensko 2021

³ Varesave zakoňika peske phende: „Kada manuš pes ruhinel!“

Matuš 9:3 ပူးပေါင်းရင်းမြစ်များ

3. Mojžišoskro 24:16

Sako, ko namištes vakerďahas pre le RAJESKRO nav, mušinel te merel. Či ela cudzincos abo Izraelitas, savore manuša les murdarena le barenca, te namištes vakerela pre le RAJESKRO nav.

4. Mojžišoskro 15:30

Te vareko kerela binos, so kamľa te kerel, či oda ela Izraelitas abo cudzincos, ruhinel pes pro RAJ. Ajse dženes kampel te tradel avri peskre manušendar,

Matuš 26:65

Akor čhingerďa o nekbareder rašaj peskre gada a phenďa: „Ruhinel pes! Kampel amenge mek švedken? Akana šunďan, sar pes ruhinel!

Matuš 7:29

bo ov len sikavelas sar oda, kas hin autorita, a na sar lengre zakoňika.

Marek 14:64

Šunďan, sar pes ruhinel! So pre oda phenen?“ A savore phende, hoj peske zaslužinel te merel.

Marek 3:28

Čačipen tumenge phenav, hoj savore bini the savore lava, savenca pes o manuša ruhinen pro Del, lenge ena odmukle,

Marek 3:29

ale oleske, ko pes ruhinel pro Sveto Duchos, na ela šoha odmuklo a leskro binos ačhela pre leste furt.“

Marek 7:21

Bo andral o manuš – andral leskro jilo – aven avri o gondoľišagi te kerel o nalačhe veci, te kerel o lubipen, te murdarel, te čorel,

Лукастар 5:21

O zakoňika the o Farizeja chudle te gondoľinel a phenenas peske: „Ko hin kada manuš, hoj pes kavke ruhinel! Ňiko našťi odmukel o bini, ča jekh o Del!“